Ester 7:8 - Kreol Morisyen OT Portions

⁸ Letan lerwa retourn dan lasal kot pe fer festin, Amann ti finn zet so lekor lor sofa kot Ester ete. Letan lerwa trouv sa, li dir: “Anplis, sa boug la anvi viol larenn divan mwa, dan mo prop lakaz?” Anmemtan ki lerwa pe dir sa, bannla kouver figir Amann.

Ester 7:8 ပူးပေါင်းရင်းမြစ်များ

Ester 1:5

Apre sa, lerwa fer enn lot fet dan zardin pale. Tou bann dimoun ki res dan lavil Siz invite; depi pli ris ziska pli pov. Sa fet la dire pandan enn semenn antie.

Ester 1:6

Ena rido blan avek bann rozet ble ki atase ar bann riban mov an-lin. Sa bann riban la, atase dan bann bag larzan ki fixe lor bann kolonn marb. Ena bann lez lor ek larzan ki kouver enn sali mozaik; marb, perl ek ros kouler.

Ester 6:12

Apre sa, Mardose retourn dan so pos travay. Me Amann degaze rant so lakaz avek lasagrin ek so latet kouver.

Ester 7:10

Bannla pandi Amann lor safodaz ki li ti finn prepare pou Mardose. Apre sa, koler lerwa kalme.

Izai 22:17

Ala LESEGNER pou vir twa anba-lao, zom! Li pou trap twa bien mem!

Izai 49:23

Bann lerwa pou to bann papa adoptif, e bann prinses, to bann nouris. Lor later, zot pou prostern divan twa, zot pou les lapousier anba to lipie. E to pou kone ki momem LESEGNER. Bann ki esper dan mwa napa pou regrete.