Ester 7:10 - Kreol Morisyen OT Portions

¹⁰ Bannla pandi Amann lor safodaz ki li ti finn prepare pou Mardose. Apre sa, koler lerwa kalme.

Ester 7:10 ပူးပေါင်းရင်းမြစ်များ

Zenez 40:22

Me lerwa fer pandi so sef boulanze. Tou arive parey kouma Zozef ti dir.

Ester 2:1

Apre bann levennman avek larenn Vasti, koler lerwa Zerses finn pase. Li reflesi lor seki larenn Vasti finn fer ek lor desizion ki finn pran kont larenn.

Ester 5:14

So fam, Zeres, ek so bann kamarad ki la, dir li: “Dime gramatin, fer aranz enn safodaz. Kan to pou al dan festin avek lerwa, dir li fer pandi Mardose. Koumsa, to ava amize lespri trankil apre.” Sa konsey la fer Amann plezir e li fer aranz safodaz la.

Ester 7:7

Lerwa kit festin dan enn gran koler, e li al dan zardin pale. Amann remarke ki lerwa finn fini deside pou fer touy li. Akoz sa li res lamem e sipliy larenn pou pa touy li.

Ester 7:8

Letan lerwa retourn dan lasal kot pe fer festin, Amann ti finn zet so lekor lor sofa kot Ester ete. Letan lerwa trouv sa, li dir: “Anplis, sa boug la anvi viol larenn divan mwa, dan mo prop lakaz?” Anmemtan ki lerwa pe dir sa, bannla kouver figir Amann.

Ester 8:7

Lerla, Lerwa Zerses dir larenn Ester ek Zwif Mardose: “Get sa, mo finn donn Ester pouvwar pou kontrol dibien Amann. Zot finn pandi li akoz li ti konplote pou touy bann Zwif.

Ester 9:14

Lerla, lerwa donn lord pou ekzekit seki Ester finn dimande. Zot tir enn dekre dan Siz e zot pandi dis garson Amann.

Ester 9:25

Me, Ester finn vinn divan lerwa. Lerla, finn donn lord par ekri pou ki konplo Amann kont bann Zwif retourn lor limem. Finn pandi limem ek so bann garson lor poto.

Psom 37:15

me zot prop zarm pou fini zot e zot zarm pou kas bout par bout.

Psom 7:16

Zot move lintansion vinn zot prop pwazon; dan zot prop figir, zot zarm malsin eklate.

Psom 94:23

Li pou pini bann ki viv dan lemal; Li pou detrir zot parski zot viv dan pese. LESEGNER nou Bondie pou detrir lemal.

Proverb 11:27

Dimoun ki fer dibien gagn faver; me seki pratik lemal gagn maler.

Proverb 11:8

Enn dimoun ki drwat ek fidel, pa pou gagn problem; me move dimoun atir traka lor limem.

Proverb 26:27

Si to fouy trou pou piez lezot, tomem ki pou tom ladan; si to koumans roul enn gro ros, li pou retourn lor tomem.