Ester 6:1 - Kreol Morisyen OT Portions

¹ Sa mem swar la, lerwa pa pe gagn somey. Li donn lord pou amenn liv arsiv kot finn ekrir bann evennman rwayom. Li fer lir liv la pou li ekoute.

Ester 6:1 ပူးပေါင်းရင်းမြစ်များ

Zenez 22:14

Abraam apel sa plas la ‘LESEGNER donn tou seki neseser.’ Akoz sa, ziska zordi ankor dir: lor montagn LESEGNER, li pou donn tou seki neseser.

Ester 10:2

Tou so bann gran aksion pouvwar ek pwisans finn ekrir dan liv arsiv lerwa Medi ek Pers. Zistwar lor ki manier Lerwa finn donn Mardose merit ek promosion, osi finn ekrir dan sa liv la.

Ester 2:21

Dan lepok kot Mardose pe okip sa pos inportan la dan pale lerwa, Bigtann ek Teres, de ofisie lerwa ki vey lantre pale, ankoler. Zot fer konplo pou touy lerwa Zerses.

Ester 2:22

Me Mardose dekouver zot rol. Li al koz sa ar larenn Ester. Lerla, larenn al dir sa lerwa lor nom Mardose.

Ester 2:23

Letan al fer lanket, dekouver ki konplo la vre. Lerla, met toulede zom pandi. Zot fer ekrir sa levennman la dan liv arsiv, dan prezans lerwa.

Ester 5:8

Si mo finn gagn lestim lerwa e si sa fer li plezir pou donn mwa seki mo dimande, mo ti pou kontan si lerwa ek Amann vinn dan festin ki mo pou organize pou zot dime. Lerla, mo pou dir lerwa mo dezir.”

Izai 41:17

Bann dimoun mizer ek bann pov pe rod dilo, pa nanye mem! Zot lalang finn sek sitan zot swaf. Mwa, LESEGNER, mo pou ekzos zot. Mwa Bondie Izrael mo pa pou abandonn zot.