Ester 4:4 - Kreol Morisyen OT Portions

⁴ Bann servant ek ofisie Ester vinn anons li sa nouvel la. Letan Ester tann sa, li extra afekte. Ester fer avoy linz pou Mardose pou ki li kapav tir so sak goni lor li. Mardose pa aksepte bann linz la.

Ester 4:4 ပူးပေါင်းရင်းမြစ်များ

Zenez 37:35

Tou so bann zanfan vinn konsol li, me li pa konsole. Okontrer, li dir: “Mo pou mor dan mo dey e mo pou al zwenn mo garson dan landrwa kot bann mor ale.” Alor, li kontign plore.

Ester 1:12

Me larenn Vasti refiz ekout lord ki lerwa finn donn li atraver bann serviter la. Sa fer lerwa bwi ar koler.

Ester 4:3

Dan sak provins kot lord lerwa ek so dekre arive, ena gran tristes ek dey parmi bann Zwif. Zot gard karem, kriye, plore ar lasagrin. Laplipar met sak goni lor zot ek lasann lor zot latet.

Ester 4:5

Lerla, Ester fer apel Atak, enn parmi bann ofisie ki lerwa finn avoye pou servi li. Ester donn li lord pou al pran ransegnman ar Mardose pou kone ki pe arive e kifer li pe azir koumsa.

Psom 77:2

Kan lavi pa fasil mo priye e rod sekour Lesegner; toutlanwit mo lev lame lao pou priye; me mo pa gagn rekonfor.

Izai 56:3

Bann etranze ki ador mwa, fode pa zot dir: “Sirman LESEGNER pou tir mwa dan so pep.” Fode pa sa zom ki pa kapav fer zanfan-la dir: “Mo enn pie sek.”