Ester 3:2 - Kreol Morisyen OT Portions

² Tou bann serviter ki travay ar lerwa fer tou seki Amann dir. Zot tou kourbe divan li parski lerwa finn donn lord tou dimoun pou swiv seki li komann zot. Me Mardose refiz kourbe divan li.

Ester 3:2 ပူးပေါင်းရင်းမြစ်များ

Zenez 41:43

Faraon fer Zozef mont lor kales ki ti rezerve pou so asistan. Bann gard ki divan li kriye: “Donn sime!” Ala ki manier Faraon donn Zozef pouvwar lor Lezip antie.

Ester 2:19

Letan rasanble bann zennfi la enn deziem fwa, Mardose pe okip enn pos dan pale lerwa.

Ester 2:21

Dan lepok kot Mardose pe okip sa pos inportan la dan pale lerwa, Bigtann ek Teres, de ofisie lerwa ki vey lantre pale, ankoler. Zot fer konplo pou touy lerwa Zerses.

Ester 2:5

Ena enn Zwif dan kapital Siz ki apel Mardose. Li garson Zair, garson Simey. Simey garson Kis, enn Benzaminit.

Ester 3:1

Amann garson Amedata, enn Agazit. Apre bann levennman ki finn pase, lerwa Zerses nomm Amann pli gran fonksioner lakour rwayal. Lerwa fer li vinn premie minis parmi tou bann ofisie.

Ester 3:3

Letan bann lezot serviter trouv sa, zot dimann Mardose: “Kifer to pa obeir lord lerwa?”

Ester 3:5

Ler Amann trouve ki Mardose pa kourbe divan li e ki li pa obeir so bann lord, sa fer li extra ankoler.

Ester 5:9

Sa zour la, Amann ale leker kontan. Li trouv Mardose dan lakour pale. Mardose pa ni leve ni gagn per divan li. Sa fer so koler monte.

Psom 15:4

li mepriz bann ki fer lemal, me li onor seki respekte LESEGNER; li gard so parol mem si sa kapav kout li bien ser.