Ester 2:15 - Kreol Morisyen OT Portions

¹⁵ Ler arive pou Ester, tifi Abihel, tonton Mardose, pou al kot lerwa. Li pa dimann nanye apart seki Egay, enik lerwa, ti konsey li. Tou dimoun ki zwenn Ester admir li.

Ester 2:15 ပူးပေါင်းရင်းမြစ်များ

Ester 2:14

Amenn li kot lerwa aswar, e gramatin li retourn dan deziem arem lor responsabilite Sasgaz, serviter lerwa. Limem ki ansarz bann konkibinn. Tifi la pa retourn kot lerwa ankor, apart si lerwa apresie li e lerla fer apel li.

Ester 2:16

Amenn Ester dan pale rwayal divan lerwa Zerses, lor diziem mwa, ki mwa Tebet, dan setiem lane so regn.

Ester 2:3

Les lerwa angaz bann dimoun dan tou bann provins so rwayom. Zot ava rasanble bann zenn vierz dan arem ki trouv dan kapital Siz. Fer Egay okip sa, Parski limem ki ena responsabilite bann fam. Li ava donn zot bann prodwi bote.

Ester 8:1

Sa mem zour la, lerwa Zerses donn larenn Ester tou dibien ki Amann, lennmi bann Zwif, ti posede. Mardose vinn prezant limem divan lerwa, parski Ester ti finn explik lerwa ki Mardose ete pou li.

Ester 9:29

Larenn Ester, tifi Abiel, ansam avek Zwif Mardose, donn zot plin lotorite par ekri, pou konfirm deziem let konsernan Pourim.

Proverb 15:33

Respe pou LESEGNER fer gagn lasazes; limilite ouver laport loner.