Ester 1:10 - Kreol Morisyen OT Portions

¹⁰ Lor setiem zour, lerwa ena lazwa apre ki li finn bwar divin. Li apel so set serviter personel: Meoumann, Bizta, Arbona, Bigta, Abagta, Zetar ek Karkas.

Ester 1:10 ပူးပေါင်းရင်းမြစ်များ

Zenez 43:34

Zozef fer servi zot manze ki lor so latab. Benzamin gagn sink fwa plis ki lezot. Zot bwar divin ansam ar zozef, e zot dan lazwa.

Ester 1:9

Larenn Vasti osi organiz enn festin dan sato lerwa Zerses pou tou bann fam.

Ester 3:15

Bann let la ale vit-vit par lord lerwa ek dekre la pase dan kapital Siz. Amann ek lerwa pe amize, manze-bwar, me bann zabitan Siz dan traka, nepli kone ki pou fer.

Ester 7:9

Lerla Arbona, enn parmi bann ofisie ki pe asiste lerwa, dir: “Zisteman, Hamann finn fini prepar safodaz pou pandi Mardose ki finn sap lavi lerwa par so bann parol. Safodaz la divan lakaz Hamann e li fer 25 met oter.” Lerwa dir: “Pandi li lor lamem.”

Proverb 20:1

Divin fer twa vinn tapazer, lalkol fer twa rod lager; dimoun ki dan soulezon zame vinn saz.

Proverb 31:4

Lemouel, fodepa ki lerwa tom dan lalkol; fodepa dirizan kontan labwason for;

Rit 3:7

Kan Boaz fini manze-bwar, li ti dan enn bon mood. Li al dormi kot enn ta lagrin ti anpile. Alor Rit ale, san fer okenn tapaz, li glis li anba dra kot lipie Boaz.