Zn 8:55 - Nouvo Testaman Kreol Morisien Harmonisation NTPS KM

⁵⁵ Laverite, se ki zot pa konn li me mwa mo konn li. Si mo ti dir zot mo pa konn li, mo ti pou pas pou enn manter kouma zot; me mo konn li e mo gard so Parol.

Nouvo Testaman dan Kreol Morisien

⁵⁵ Laverite, se ki zot pa konn li me mwa mo konn li. Si mo ti dir zot mo pa konn li, mo ti pou pas pou enn manter kouma zot; me mo konn li e mo gard so parol.

Zn 8:55 ပူးပေါင်းရင်းမြစ်များ

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

Lk 10:22

Mo Papa finn remet tou kiksoz dan mo lame. Personn pa konn so Garson, exsepte Papa-la, e personn pa konn Papa-la exsepte so Garson e dimounn ar ki Garson-la anvi revel so Papa.”

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Zn 10:15

Kouma mo papa konn mwa, e mwa mo konn mo papa, mo pare pou donn mo lavi pou mo bann brebi.

Zn 15:10

Si zot gard mo bann komannman, zot pou res dan mo lamour parey kouma mwa, mo gard komannman mo Papa e mo res dan so lamour.

Zn 15:21

Me bann-la pou fer tousala parski zot ar mwa e parski bann-la pa konn Sa-Enn ki finn avoy mwa la.

Zn 16:3

parski zot pa finn konn ni mo Papa, ni mwa.

Zn 17:25

Twa Papa ki zis, lemond pa konn twa; mwa mo finn konn twa e zot kone ki to finn avoy mwa.

Zn 6:46

Personn pa finn trouv mo Papa apar Sa-Enn ki sorti ar Bondie la; Li, li finn trouv Papa-la.

Zn 8:19

Lerla bann-la dir li, “Kot to Papa ete?” Zezi reponn, “Zot pa konn ni mwa, ni mo Papa; si zot ti konn mwa, zot ti pou konn mo Papa osi.”

Zn 8:29

Sa-Enn ki finn avoy mwa la, li avek mwa, li pa les mwa tou sel, parski mo azir dapre tou seki fer li plezir.”

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Zn 8:51

Vremem, laverite mo dir zot, si kikenn gard mo parol, zame li pou mor.”

Zn 8:52

Bann Zwif dir li, “Aster nou kone ki to posede par enn demon; Abraam ek bann profet osi finn mor; kouma to kapav dir ki ‘Si kikenn gard mo parol, zame li pou gout lamor.’

Zistwar Bann Zapot 17:23

Parski kan mo ti pe mars-marse inpe partou e mo get zot bann moniman sakre, mo ti trouv enn lotel kot zot ti ekrir: ‘Sa pou enn bondie inkoni.’ Aster-la, seki zot pe priye san ki zot kone, mo pou fer zot konn li.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

1 Zn 1:6

Si nou dir ki nou viv ini avek li letan ki nou pe mars dan teneb, nou koz manti e nou pa pe fer seki vre.

1 Zn 2:22

Kisann-la ki manter? Pa sa dimounn ki rezet Zezi kouma Lekris? Limem lennmi Lekris, li rezet toule-de, Bondie Papa ek so Garson.

1 Zn 2:4

Dimounn ki dir, “Mo konn li,” me pa gard so komannman, li enn manter e pena laverite dan li.

1 Zn 5:10

Dimounn ki krwar dan Garson Bondie, li ena sa temwaniaz-la dan so leker. Dimounn ki pa krwar dan Bondie, li finn fer li pas pou enn manter, parski li pa finn krwar temwaniaz ki Bondie finn done lor so Garson.

Revelasion 3:9

Ala seki mo pou fer avek sa bann dimounn dan lasanble Satan la, sa bann manter ki pretann zot Zwif kan zot pa sa ditou. Mo pou fors zot pou vinn azenou devan twa pou onor twa. Zot pou rekonet ki mo kontan twa.