Zn 8:14 - Nouvo Testaman Kreol Morisien Harmonisation NTPS KM

¹⁴ Zezi reponn zot, “Kanmem mo temwagn lor mwa, mo temwaniaz li vre parski mo kone kot mo sorti e kot mo pe ale; me zot, zot pa kone kot mo sorti e kot mo pe ale.

Nouvo Testaman dan Kreol Morisien

¹⁴ Zezi reponn zot, “Kanmem mo temwagn lor mwa, mo temwagnaz li vre parski mo kone kot mo sorti e kot mo pe ale; me zot, zot pa kone kot mo sorti e kot mo pe ale.

Zn 8:14 ပူးပေါင်းရင်းမြစ်များ

Proverb 8:7

Dan mo labous, laverite ki koule; mo lalev deteste tou koze mansonz.

Zn 10:15

Kouma mo papa konn mwa, e mwa mo konn mo papa, mo pare pou donn mo lavi pou mo bann brebi.

Zn 10:36

kouma zot kapav dir ki mo pe blasfeme parski mo finn dir ki mo Garson Bondie, alors ki mo papa finn swazir mwa e finn avoy mwa dan lemond?

Zn 13:3

Kouma li kone ki so Papa finn met tou dan so lame, ki li sorti kot Bondie e ki li pe retourn kot Bondie,

Zn 14:10

Eski to pa krwar ki mo dan mo Papa e ki mo Papa dan mwa? Sa bann parol ki mo pe dir zot la, pa sorti dan mwa me mo Papa ki viv dan mwa, fer mwa dir sa.

Zn 16:28

Mo sorti kot mo Papa e mo finn vinn dan lemond; mo pe kit lemond e mo pe retourn kot mo Papa.”

Zn 17:8

Mo finn donn zot Parol ki to finn konfie mwa, e zot finn resevwar li. Zot finn rekonet ki vremem mo finn sorti kot twa, e zot krwar ki to finn avoy mwa.

Zn 18:37

Lerla Pilat dir, “Alors to enn lerwa?” Zezi reponn, “Twa ki pe dir. Mo finn ne, mo finn vinn dan lemond pou enn sel rezon: rann temwaniaz laverite. Tou dimounn ki dan laverite, ekout mo lavwa.”

Zn 5:31

“Si mo fer enn temwaniaz lor momem, mo temwaniaz pena valer.

Zn 8:42

Zezi dir zot, “Si Bondie ti vremem zot Papa, zot ti pou kontan mwa, parski mwa, mo sorti kot Bondie. Mo pa finn vinn par mo prop lotorite me par lotorite Sa-Enn ki finn avoy mwa la.

2 Ko 11:31

Bondie ki Papa Lesegner Zezi, ki beni pou leternite, kone ki mo pa pe koz manti.

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-zapot.

2 Ko 12:19

Tousa letan-la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pou ki zot progrese dan zot lafwa.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Revelasion 3:14

Let ki finn ekrir pou anz dan Legliz Laodise: “Ala parol Amen, vre temwin fidel ki lasours kreasion Bondie: