Zn 8:12 - Nouvo Testaman Kreol Morisien Harmonisation NTPS KM

¹² Zezi ti pe koz ar zot ankor, li dir “Momem lalimier dan lemond; seki swiv mwa pa pou mars dan teneb me li pou gagn lalimier ki donn lavi.”

Nouvo Testaman dan Kreol Morisien

¹² Zezi ti pe koz ar zot ankor, li dir “Momem lalimier dan lemonn; seki swiv mwa pa pou mars dan teneb me li pou gagn lalimier ki donn lavi.”

Zn 8:12 ပူးပေါင်းရင်းမြစ်များ

Psom 18:28

SEGNER mo Bondie, to lalimier mo lavi, to ekler mwa dan teneb.

Psom 49:19

li oblize al rezwenn so bann anset ki pa pou trouv lalimier ankor.

Psom 97:11

Lalimier ekler lavi dimounn drwat; lazwa aroz bann leker drwat.

Mt 5:14

Zotmem lalimier pou lemond. Enn lavil ki finn konstrir lor enn montagn pa kapav kasiet.

Lk 2:32

Enn lalimier ki amenn revelasion ar bann payin e laglwar pou to pep Izrael.”

Zn 12:35

Zezi dir zot, “Lalimier pou res ankor inpe letan avek zot; kontigne marse kan lalimier ankor ar zot, pou ki zot pa tom dan marenwar; parski dimounn ki mars dan nwar, pa kone kot li pe ale.

Zn 12:36

Kan zot dan lalimier, krwar dan lalimier pou ki zot vinn bann zanfan lalimier.” Kan Zezi finn fini dir sa bann parol-la, li sorti e li al trankil dan enn kwin.

Zn 12:46

Momem lalimier ki finn vinn dan lemond. Seki krwar dan mwa, pa pou res dan teneb.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 3:19

Ala zizman-la: lalimier finn vinn dan lemond me bann dimounn finn pli kontan teneb ki lalimier parski zot manier pa bon.

Zn 7:17

Dimounn ki anvi fer volonte Bondie pou kone si mo lansegnman sorti kot Bondie oubien si mo pe koz dapre mo prop lide.

Zn 9:5

Tanki mo dan lemond, momem lalimier lemond.”

Zistwar Bann Zapot 13:47

Ala seki Lesegner finn komann nou: ‘Mo finn etablir twa kouma enn lalimier pou bann nasion, pou sov lemond antie.’ ”

Zistwar Bann Zapot 26:23

ki Lekris bizin soufer, ek parski limem premie pou resisite apre lamor, li pou proklam lalimier pou bann Zwif ek bann non-Zwif osi.”

2 Pi 2:17

Sa bann dimounn-la, zot kouma bann lasours ki pena dilo, bann niaz dirize par divan siklonn. Enn plas dan marenwar finn fini rezerve pou zot.

2 Pi 2:4

Bondie pa finn epargne bann move anz, me finn zet zot dan lanfer, finn ansenn zot dan nwar ziska zour zizman;

1 Zn 1:6

Si nou dir ki nou viv ini avek li letan ki nou pe mars dan teneb, nou koz manti e nou pa pe fer seki vre.

Let Zid 1:13

Zot parey bann vag feros lamer, so lekim pe kras zot bann aksion laont. Zot parey bann zetwal ki Bondie finn rezerv enn plas pou touzour dan lanwit.

Let Zid 1:6

Zot rapel bann anz ki pa ti gard zot pozision, zot ti kit zot lakaz, e zot finn res touletan ansene dan prizon teneb ziska gran zour zizman Bondie.

Revelasion 21:24

Tou bann nasion pou mars dan so lalimier; e bann lerwa later pou amenn zot laglwar.