Zn 7:39 - Nouvo Testaman Kreol Morisien Harmonisation NTPS KM

³⁹ Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok-la, Lespri pa ti ankor desann lor zot parski Zezi pa ti ankor glorifie.

Nouvo Testaman dan Kreol Morisien

³⁹ Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok la, Lespri pa ti ankor desann lor zot parski Zezi pa ti ankor glorifie.

Zn 7:39 ပူးပေါင်းရင်းမြစ်များ

Psom 68:18

To mont dan oter; to ti amenn bann prizonie ar twa; to resevwar don bann dimounn, mem bann ki rebel kont twa, SEGNER Bondie.

Proverb 1:23

Pran kont mo bann repros, mo ava donn twa mo konesans; mo ava grav mo parol dan to leker.

Mt 16:14

Zot dir li, “Enn bann dir Zan Batis, enn lot bann dir Eli e enn lot bann ankor dir Zeremi oubien enn lot profet.”

Mt 21:11

Lafoul reponn, “Limem profet Zezi ki sorti Nazaret dan Galile.”

Lk 24:49

Aster-la mo avoy lor zot seki mo Papa finn promet. Res Zerizalem ziska ki zot resevwar pwisans ki sorti lao.”

Lk 3:16

Zan reponn zot tou, “Mwa, mo batiz zot ar dilo; me ena enn ki pli for ki mwa ki pe vini; mwa, mo mem pa dign pou larg so lase soulie; li pou batiz zot ar Lespri Sin ek dife.

Lk 7:16

Lafreyer sezi bann dimounn e zot glorifie Bondie; zot dir, “Enn gran profet finn leve parmi nou e Bondie finn vizit so pep.”

Zn 1:21

Alors zot demann li, “Kisann-la to ete? Tomem Eli?” Li reponn, “Non, pa mwa sa.” Tomem sa profet ki nou ti pe atann la? Li reponn, “Non.”

Zn 1:25

kontign poz Zan kestion. Zot demann li, “Abe ki fer to pe batize si to pa ni Lekris, ni Eli, ni sa profet-la?”

Zn 1:33

Mwa, mo pa ti konn li, me seki finn avoy mwa batiz dan dilo la, finn dir mwa, dimounn lor ki to pou trouv Lespri desann e res lao lor so latet, limem pou batiz ar Lespri Sin.

Zn 12:16

Letan sa ti pase, so bann disip pa ti pe konpran me apre, kan Zezi finn glorifie, zot ti rapel seki Lekritir finn dir e seki dimounn ti fer pou li.

Zn 12:23

Zezi reponn zot, “Ler finn arive pou ki Garson Limanite glorifie.

Zn 14:13

Tou seki zot demande lor mo nom, mo pou fer li pou ki zot trouv laglwar mo Papa dan seki mo fer.

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 16:14

Li pou rann mwa glwar parski li pou anons zot tou seki li finn resevwar ar mwa.

Zn 16:7

Me mo pe dir zot laverite, li dan zot lavantaz ki mo ale; parski si mo pa ale, Sa-Enn ki pou defann zot la, pa pou vinn ar zot; me si mo ale, mo pou avoy li.

Zn 17:1

Letan Zezi finn fini dir tousala, li lev so lizie, li get lesiel e li dir, “Papa, ler finn vini; glorifie to Garson, pou ki to Garson glorifie twa.

Zn 17:5

Papa, glorifie mwa aster; donn mwa laglwar ki mo ti ena kot twa depi koumansman, avan ki later ti kree.

Zn 20:22

Apre sa, Zezi soufle lor zot e dir zot, “Ala Lespri Sin.

Zn 6:14

Kan bann dimounn trouv sign ki li finn fer, zot dir, “Limem Profet ki ti pou vinn dan lemond.”

Zn 7:12

Enn vole koze ti pe fane lor li dan lafoul. Ena ti pe dir, “Li enn bon dimounn.” Ena ti pe dir, “Li anbet dimounn.”

Zn 8:54

Zezi reponn, “Si mo rod mo prop laglwar, mo laglwar pa vo nanye; Sa-Enn zot apel zot Bondie-la, limem mo Papa e limem ki glorifie mwa.

Zistwar Bann Zapot 19:2

Li dimann zot, “Eski zot ti resevwar Lespri Sin kan zot ti vinn krwayan?” Zot reponn, “Non, nou pa finn mem tande ki ena enn Lespri Sin.”

Zistwar Bann Zapot 2:17

‘Ala seki pou arive dan dernie zour, Bondie dir, Mo pou repann mo Lespri lor tou dimounn. Zot garson, zot tifi pou anons mo mesaz; zot bann zenes pou trouv vizion, zot bann vie dimounn pou fer bann rev.

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann seki zot pe trouve ek tande.

Zistwar Bann Zapot 2:38

Pier reponn, “Repanti, e resevwar batem dan nom Zezi Kris pou zot gagn pardon pou zot pese; e zot pou resevwar don ki Bondie done, Lespri Sin.

Zistwar Bann Zapot 2:4

Zot tou ti ranpli ar Lespri Sin e zot koumans koz dan lezot langaz dapre seki Lespri ti pe donn zot pou exprime.

Zistwar Bann Zapot 3:13

Bondie Abraam, Bondie Izaak, ek Bondie Zakob, Bondie nou bann anset finn glorifie so serviter Zezi. Limem zot ti livre ek rezete alor ki Pilat ti anvi liber li.

Zistwar Bann Zapot 4:31

Letan zot fini priye, landrwa kot zot ti reini ansam ti tranble. Zot ti ranpli ar Lespri Sin ek zot ti anons Parol Bondie avek lasirans.

Let pou Romin 8:9

Me zot, zot pa kontrole par natir pese, me par Lespri, si Lespri Bondie viv dan zot. Seki pena Lespri Lekris, li pa apartenir ar Lekris.

2 Ko 3:8

konbien plis travay Lespri vinn dan enn laglwar ki pli gran ankor.

Ef 4:30

Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem proprieter; sa enn garanti ziska sa Zour kot Bondie pou delivre zot.