Zn 7:28 - Nouvo Testaman Kreol Morisien Harmonisation NTPS KM

²⁸ Zezi ti pe ansegne dan Tanp e li ti pe proklame, “Zot konn mwa; zot kone kot mo sorti e mo pa finn vinn la par mo prop lotorite. Sa-Enn ki finn avoy mwa la, Limem laverite e zot pa konn li.

Nouvo Testaman dan Kreol Morisien

²⁸ Zezi ti pe ansegne dan tanp e li ti pe proklame, “Zot konn mwa; zot kone kot mo sorti e mo pa finn vinn la par mo prop lotorite. Sa-Enn ki finn avoy mwa la, Limem laverite e zot pa konn li.

Zn 7:28 ပူးပေါင်းရင်းမြစ်များ

Psom 9:10

Bann ki konn to nom, SEGNER, met tou zot konfians an twa parski zame to abandonn seki rod to sekour.

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

Mt 2:23

Li instal li laba, dan enn lavil ki apel Nazaret. Tousala finn realize dapre seki bann profet ti anonse: “Li pou apel Nazareen.”

Mt 26:55

Lerla Zezi dir ar lafoul, “Eski zot ti bizin vinn ar lepe ek gourdin pou aret mwa koumadir mo enn voler? Toulezour mo ti pe asize dan Tanp e mo ti pe ansegne e zame zot finn aret mwa.

Lk 10:22

Mo Papa finn remet tou kiksoz dan mo lame. Personn pa konn so Garson, exsepte Papa-la, e personn pa konn Papa-la exsepte so Garson e dimounn ar ki Garson-la anvi revel so Papa.”

Lk 2:11

zordi dan lavil David, enn Sover, ki Lekris Lesegner, finn ne pou zot.

Lk 2:39

Letan zot fini fer tou seki lalwa Lesegner dimande, zot retourn Galile, dan zot prop lavil Nazaret.

Lk 2:4

Zozef kit lavil Nazaret, an Galile, pou al Lazide dan lavil Betleem, la kot lerwa David ti ne, parski Zozef ti enn desandan David.

Lk 2:51

Zezi retourn Nazaret ar so bann paran. Li ti kontign obeir zot; e so mama ti gard tousala dan so leker.

Zn 1:46

Natanael dir li, “Eski kiksoz de bon kapav sorti Nazaret?” Filip dir li, “Vinn gete.”

Zn 10:36

kouma zot kapav dir ki mo pe blasfeme parski mo finn dir ki mo Garson Bondie, alors ki mo papa finn swazir mwa e finn avoy mwa dan lemond?

Zn 12:49

Tou seki mo pe dir, pa sorti ar mwa me sorti kot mo Papa ki finn avoy mwa. Mo Papa finn komann mwa fer sa lansegnman-la.

Zn 14:10

Eski to pa krwar ki mo dan mo Papa e ki mo Papa dan mwa? Sa bann parol ki mo pe dir zot la, pa sorti dan mwa me mo Papa ki viv dan mwa, fer mwa dir sa.

Zn 14:31

Me lemond bizin kone ki mo kontan mo Papa, akoz samem tou seki mo Papa dir mwa fer, mo fer. Leve, nou ale.”

Zn 16:3

parski zot pa finn konn ni mo Papa, ni mwa.

Zn 17:25

Twa Papa ki zis, lemond pa konn twa; mwa mo finn konn twa e zot kone ki to finn avoy mwa.

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Zn 3:2

Dan nwar, li vinn get Zezi, li dir li, “Rabi, nou kone ki to enn gran profeser ki sorti kot Bondie parski personn pa kapav fer bann sign kouma to fer, si Bondie pa ar li.”

Zn 3:33

Dimounn ki aksepte so temwaniaz sertifie ki Bondie mem laverite.

Zn 5:32

Ena enn lot ki pe donn so temwaniaz lor mwa e mo kone ki so temwaniaz li vre.

Zn 5:43

Mo finn vini par lotorite mo Papa e zot pa finn aksepte mwa; me si enn lot dimounn vini par so prop lotorite, la, zot pou aksepte li.

Zn 6:42

Zot ti pe dir, “Pa limem Zezi, garson Zozef? Eski nou pa konn so papa ek so mama? Kot li gagn toupe pou dir mo desann depi lesiel?”

Zn 7:14

Dan plin Fet, Zezi mont dan Tanp e li ti pe ansegne.

Zn 8:14

Zezi reponn zot, “Kanmem mo temwagn lor mwa, mo temwaniaz li vre parski mo kone kot mo sorti e kot mo pe ale; me zot, zot pa kone kot mo sorti e kot mo pe ale.

Zn 8:16

Me si mwa, mo rann enn zizman, mo zizman li vre parski mo pa tou sel pou zize, me mo Papa ki finn avoy mwa, li ziz ansam avek mwa.

Zn 8:19

Lerla bann-la dir li, “Kot to Papa ete?” Zezi reponn, “Zot pa konn ni mwa, ni mo Papa; si zot ti konn mwa, zot ti pou konn mo Papa osi.”

Zn 8:26

Mo ena boukou pou dir lor zot e mo ena boukou pou kondane; me Sa-Enn ki finn avoy mwa la, li koz laverite e mo finn dir dan lemond, tou seki mo finn tann li dir.”

Zn 8:42

Zezi dir zot, “Si Bondie ti vremem zot Papa, zot ti pou kontan mwa, parski mwa, mo sorti kot Bondie. Mo pa finn vinn par mo prop lotorite me par lotorite Sa-Enn ki finn avoy mwa la.

Zn 9:29

Nou, nou kone ki Bondie finn koz ar Moiz, me li, nou pa mem kone kot li sorti.”

Zistwar Bann Zapot 17:23

Parski kan mo ti pe mars-marse inpe partou e mo get zot bann moniman sakre, mo ti trouv enn lotel kot zot ti ekrir: ‘Sa pou enn bondie inkoni.’ Aster-la, seki zot pe priye san ki zot kone, mo pou fer zot konn li.

Let pou Romin 1:28

Anplis, parski zot pa finn gard vre konesans Bondie dan zot lespri, li finn les zot lespri degringole, akoz sa zot fer seki pa bizin.

Let pou Romin 3:4

Non, zame! Bondie pou res touletan laverite, mem si bann imin manter. Dan Lekritir finn ekrir, “Bizin rekonet lazistis dan to Parol, e ki to triyonfe kan ziz twa.”

2 Ko 1:18

Bondie mo temwin: nou parol li pa ezitasion ant “Wi” ek “Non.”

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

Eb 6:18

Bondie pa koz manti. Alor so promes ek so serman, se de kiksoz ki pa kapav sanze. So promes bizin ankouraz nou pou tini ferm dan lesperans ki finn propoz nou.

1 Zn 5:10

Dimounn ki krwar dan Garson Bondie, li ena sa temwaniaz-la dan so leker. Dimounn ki pa krwar dan Bondie, li finn fer li pas pou enn manter, parski li pa finn krwar temwaniaz ki Bondie finn done lor so Garson.