Zn 6:68 - Nouvo Testaman Kreol Morisien Harmonisation NTPS KM

⁶⁸ Simon Pier reponn, “Segner, kot nou pou ale? Tomem ki ena Parol lavi eternel.

Nouvo Testaman dan Kreol Morisien

⁶⁸ Simon Pier reponn, “Segner, kot nou pou ale? Tomem ki ena parol lavi eternel.

Zn 6:68 ပူးပေါင်းရင်းမြစ်များ

Psom 73:25

Apart twa mo pena personn dan lesiel! Si mo ena twa ki lezot mo bizin lor later?

Mt 16:16

Simon Pier reponn, “To Lemesi, Garson Bondie Vivan.”

Mk 8:29

Me li dir zot, “E zot, ki zot dir mo ete?” Pier reponn li, “Tomem Lemesi.”

Lk 9:20

Li dir so bann disip, “Me zot, ki zot dir mo ete?” Pier reponn, “Tomem Mesi Bondie.”

Zn 12:49

Tou seki mo pe dir, pa sorti ar mwa me sorti kot mo Papa ki finn avoy mwa. Mo Papa finn komann mwa fer sa lansegnman-la.

Zn 12:50

Mo kone ki so komannman donn lavi eternel; seki mo pe dir, samem mo Papa finn avoy mwa dir.”

Zn 17:8

Mo finn donn zot Parol ki to finn konfie mwa, e zot finn resevwar li. Zot finn rekonet ki vremem mo finn sorti kot twa, e zot krwar ki to finn avoy mwa.

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 6:40

Samem volonte mo Papa: tou dimounn ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Zn 6:63

Lespri donn lavi me lekor pa vo gran soz; parol ki mo finn prononse, samem Lespri, samem lavi.

Zistwar Bann Zapot 13:26

Bann frer, desandan Abraam ek zot bann non-Zwif ki ena respe pou Bondie, sa mesaz liberasion la, finn avoye pou nou sa.

Zistwar Bann Zapot 4:12

Pena personn kapav sov nou apar Zezi, parski pena okenn lot nom dan lemond antie ki kapav sov nou.”

Zistwar Bann Zapot 5:20

“Al dan Tanp e anons lepep tou sa bann parol ki donn nouvo lavi-la.”

Zistwar Bann Zapot 7:38

Letan lepep ti rasanble dan dezer, Moiz ti dibout ant lepep ek anz ki ti pe koz ar li lor Montagn Sinai. Li ti resevwar mesaz vivan ki sorti kot Bondie, pou partaz sa ar nou.

Zistwar Bann Zapot 8:37

Filip dir, “Si to krwar avek tou to leker, li posib.” Li reponn, “Mo krwar ki Zezi Kris limem Garson Bondie.”