Zn 6:51 - Nouvo Testaman Kreol Morisien Harmonisation NTPS KM

⁵¹ Momem dipin vivan ki finn desann depi lesiel; si kikenn manz sa dipin-la, li pou viv touletan; dipin ki mo done, se mo prop lekor pou ki lemond antie gagn lavi.”

Nouvo Testaman dan Kreol Morisien

⁵¹ Momem dipin vivan ki finn desann depi lesiel; si kikenn manz sa dipin la, li pou viv toultan; dipin ki mo done, se mo prop lekor pouki lemonn antie gagn lavi.”

Zn 6:51 ပူးပေါင်းရင်းမြစ်များ

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Lk 22:19

Apre li pran dipin, li rann gras, li kas li e li donn zot. Li dir, “Samem mo lekor, ki mo donn pou zot. Fer sa, an mo memwar.”

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Zn 1:29

Landime, Zan trouv Zezi pe vini e li dir, “Get Agno Bondie ki tir pese lemond;

Zn 11:26

Tou dimounn ki viv e krwar dan mwa zame pou mor; eski to krwar dan seki mo pe dir?”

Zn 3:13

Personn pa finn mont dan lesiel, exsepte Garson Limanite ki finn desann depi lao.

Zn 3:14

Parey kouma Moiz ti met serpan an-bronz lor enn poto dan dezer, dan mem manier pou bizin lev Garson Limanite lao,

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Zn 3:36

Dimounn ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 6:33

Parski dipin ki Bondie done, samem dipin ki finn desann depi lesiel e ki donn lavi lemond antie.”

Zn 6:35

Zezi reponn zot, “Momem dipin ki donn lavi; seki vinn ar mwa pa pou gagn fin e seki krwar dan mwa zame pou gagn swaf.

Zn 6:41

Bann Zwif ti pe marmote parski Zezi ti pe dir, “Momem dipin ki finn desann depi lesiel.”

Zn 6:47

Vremem laverite mo dir zot, dimounn ki krwar, gagn lavi eternel.

Zn 6:48

Momem dipin ki donn lavi.

Zn 6:50

Dimounn ki pou manz dipin ki desann depi lesiel pa pou mor.

Zn 7:38

Kouma finn dir dan Lekritir, ‘Seki krwar dan mwa, enn larivier dilo ki donn lavi pou sorti dan so leker.’ ”

2 Ko 5:19

Par Lekris, Bondie finn azir pou rekonsilie tou bann imin ar li, san pran konsiderasion zot bann fot, e li finn donn nou responsabilite pou al anons mesaz rekonsiliasion.

2 Ko 5:21

Lekris pa ti ena pese, me Bondie finn met nou pese lor li, pou ki letan nou ini ansam ar li, nou rant dan enn lavi akseptab devan Bondie.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Ef 5:25

Mari, kontan zot fam parey kouma Lekris ti kontan Legliz e li ti donn so lavi pou li

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 10:20

Nou ena la enn nouvo sime vivan ki fer nou pas atraver vwal so prop lekor.

1 Pi 2:4

Vinn kot li; li enn ros vivan. Mem si li finn rezete par bann zom, Bondie finn apresie li e finn swazir li.

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemond antie.

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

1 Zn 4:14

Nou finn trouve e nou temwagne ki Bondie finn avoy so Garson kouma Sover lemond.