Zn 5:23 - Nouvo Testaman Kreol Morisien Harmonisation NTPS KM

²³ pou ki tou dimounn onor so Garson, parey kouma zot onor Papa-la. Dimounn ki pa onor Garson-la, pa onor so Papa ki finn avoy Li.

Nouvo Testaman dan Kreol Morisien

²³ pouki tou dimoun onor so Garson, parey kouma zot onor Papa la. Dimoun ki pa onor Garson la, pa onor so Papa kinn avoy Li.

Zn 5:23 ပူးပေါင်းရင်းမြစ်များ

Psom 2:12

Met zot azenou divan li. Pa bliye so lakoler anflame vit e zot kapav zwenn lamor lor sime. Bienere tou dimounn ki mars ar li e ki gagn so proteksion.

Mt 10:37

Seki kontan so papa oubien so mama plis ki mwa, li pa dign pou vinn mo disip.

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

Mt 12:21

e tou dimounn pou fer li konfians.”

Mt 15:8

‘Sa pep la onor mwa zis avek so labous, me so leker lwin ar mwa;

Mt 28:19

Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin.

Lk 10:16

Seki ekout zot, ekout mwa; seki rezet zot, rezet mwa, e seki rezet mwa, rezet Sa-Enn ki finn avoy mwa la.”

Zn 14:1

“Pa bizin zot boulverse; krwar dan Bondie, krwar osi dan mwa.

Zn 16:14

Li pou rann mwa glwar parski li pou anons zot tou seki li finn resevwar ar mwa.

Zn 17:10

Tou seki pou mwa, pou twa e tou seki pou twa, pou mwa; mo laglwar reflekte lor zot figir.

Let pou Romin 1:7

Mo pe ekrir pou tou bann ki dan Rom ki Bondie kontan e ki li finn apele pou swiv Zezi Kris. Ki Bondie nou Papa ek Lesegner Zezi Kris donn zot lagras ek lape.

Let pou Romin 15:12

Izai osi ekrir: “Desandan Zese pou vini li pou leve pou gouvern bann non-Zwif e zot pou met zot lesperans dan li.”

Let pou Romin 6:22

Aster-la zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Let pou Romin 8:9

Me zot, zot pa kontrole par natir pese, me par Lespri, si Lespri Bondie viv dan zot. Seki pena Lespri Lekris, li pa apartenir ar Lekris.

1 Ko 1:3

Mo swet zot lagras ek lape ki sorti kot nou Papa Bondie ek Lesegner Zezi Kris.

1 Ko 10:31

Kan zot manze, kan zot bwar, kan zot fer ninport ki kiksoz, touletan fer li pou laglwar Bondie.

1 Ko 16:22

Si kikenn pa kontan Lesegner, ki li modi. Maranata. Vini Segner!

1 Ko 6:19

Zot pa kone ki zot lekor enn Tanp Lespri Bondie, ki li viv dan zot, e ki Bondie ki finn donn zot sa Lespri-la? Alor zot pa apartenir ar zotmem;

2 Ko 1:9

Nou ti ena linpresion ki finn kondann nou amor. Me sa finn arive pou ki nou pa depann lor noumem, me depann zis lor Bondie ki relev seki finn mor.

2 Ko 5:14

An-efe, lamour Lekris kontrol nou, parski nou ena lasirans ki ena enn sel ki finn mor pou tou lezot; savedir ki tou lezot ena enn par dan so lamor.

2 Ko 5:19

Par Lekris, Bondie finn azir pou rekonsilie tou bann imin ar li, san pran konsiderasion zot bann fot, e li finn donn nou responsabilite pou al anons mesaz rekonsiliasion.

Ef 6:24

Ki lagras Bondie li res ar tou seki ena lamour eternel pou Lesegner Zezi Kris.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour-la vini.

Eb 1:6

Me letan Bondie avoy so Garson premie-ne dan lemond, li ti dir, “Ki tou bann anz Bondie ador li.”

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li zordi ek dan leternite. Amen.

1 Zn 2:23

Kikenn ki rezet Bondie Garson li pena Bondie Papa dan li. Tou dimounn ki aksepte Bondie Garson li ena osi Bondie Papa.

2 Zn 1:9

Tou dimounn ki depas limit e pa gard lansegnman Kris, zot pena Bondie dan zot. Dimounn ki gard so lansegnman, zot ini avek Bondie Papa ek so Garson.