Zn 3:29 - Nouvo Testaman Kreol Morisien Harmonisation NTPS KM

²⁹ Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad-la dan lazwa letan li tann lavwa nouvo marye. Akoz samem aster, mo lazwa li bien-bien gran.

Nouvo Testaman dan Kreol Morisien

²⁹ Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad la dan lazwa letan li tann lavwa nouvo marye. Akoz samem aster, mo lazwa li bien-bien gran.

Zn 3:29 ပူးပေါင်းရင်းမြစ်များ

Mt 22:2

“Rwayom lesiel parey kouma enn lerwa ki organiz enn lanos pou maryaz so garson.

Mt 25:1

“Alor rwayom lesiel pou parey kouma zistwar sa dis zennfi ki pran zot lalanp pou al zwenn nouvo marye.

Mt 9:15

Zezi dir zot, “Eski zot panse ki bann invite dan maryaz kapav an-dey pandan ki nouvo marye ankor avek zot? Enn zour pou arive kot nouvo marye pou ale, lerla zot pou fer karem.

Lk 15:6

E letan li rant lakaz li apel tou so bann kamarad e so bann vwazin, li dir zot, ‘Vinn partaz mo lazwa parski mo finn retrouv mo mouton ki ti perdi.’

Zn 15:11

Mo finn dir zot tousala pou ki mo lazwa res dan zot e ki zot lazwa konple dan enn gran lazwa.

Zn 16:24

Ziska aster-la, zot pa finn demann nanye lor mo nom; demande, zot pou resevwar, lerla zot pou ranpli ar lazwa.

Zn 17:13

Aster-la mo pe vinn kot twa e mo pe dir tousala dan lemond pou ki zot leker deborde ar mo lazwa.

Zn 3:30

Li bizin vinn pli gran e mwa, mo bizin vinn pli tipti.

2 Ko 11:2

Mo ena zalouzi pou zot, otan ki Bondie ena. Mo ti finn promet pou marye zot ar enn sel mari, Lekris, e mo dezir prezant zot ar li kouma enn zennfi vierz.

Let pou Filipien 2:2

alor rann mwa osi zwaye par lakorite ant zot; ena enn sel leker, enn sel lamour e rod touzour linite.

1 Zn 1:4

Nou pe ekrir tousala pou ki nou lazwa li konple.

2 Zn 1:12

Mo pou ena ankor boukou kiksoz pou dir zot, me mo prefer pa servi papie ek lank. Mo espere vinn kot zot e koz avek zot fasafas, pou ki nou lazwa li konplet.

Revelasion 21:9

Apre sa, enn parmi sa set anz ki ti ena set koup ranpli ar set dernie fleo la, vini e li dir mwa, “Vini, mo pou montre twa fianse-la, limem ki pou marye avek Agno.”