Zn 2:16 - Nouvo Testaman Kreol Morisien Harmonisation NTPS KM

¹⁶ Li dir bann marsan pizon, “Tir tousala deor; pa fer lakaz mo papa vinn enn bazar.”

Nouvo Testaman dan Kreol Morisien

¹⁶ Li dir bann marsan pizon, “Tir tousala deor; pa fer lakaz mo papa vinn enn bazar.”

Zn 2:16 ပူးပေါင်းရင်းမြစ်များ

Mt 21:12

Ler Zezi rant dan Tanp, li farous tou bann ki ti pe vande ek aste, li devir anba-lao latab bann sanzer larzan ek sez bann vander pizon.

Mt 21:13

Li dir zot, “Finn ekrir, ‘Pou apel mo lakaz, enn lakaz lapriyer.’ Me zot finn fer li vinn enn kavern voler.”

Mt 22:5

Me bann invite pa interese, ena al dan zot karo, ena al okip zot komers,

Mk 11:17

Lerla li ansegn zot, li dir, “Eski pa finn ekrir ki pou apel mo lakaz, lakaz lapriyer pou tou bann nasion? Me zot, zot finn fer li vinn enn kavern voler.”

Lk 2:49

Li dir zot, “Kifer zot ti bizin rod mwa? Zot pa kone ki mo bizin dan lakaz mo Papa?”

Zn 10:29

Mo Papa ki finn donn mwa bann brebi-la, li pli gran ki tou e personn pa pou kapav ras zot dan lame mo Papa.

Zn 2:15

Li fer enn fwet avek lakord, li pous zot tou andeor Tanp avek zot mouton, zot bef, li voltiz zot kas e li devir zot latab anba-lao.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Zn 5:17

Zezi reponn zot, “Mo Papa ankor pe travay e mwa osi mo pe travay.”

Zn 8:49

Zezi reponn zot, “Mwa, mo pena demon lor mwa me mo onor mo Papa, me zot, zot pa onor mwa.

1 Tim 6:5

e bann koze zame fini ant dimounn ti-lespri ek dan lerer. Zot panse ki ar larelizion kapav fer profi larzan.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.