Zn 16:14 - Nouvo Testaman Kreol Morisien Harmonisation NTPS KM

¹⁴ Li pou rann mwa glwar parski li pou anons zot tou seki li finn resevwar ar mwa.

Nouvo Testaman dan Kreol Morisien

¹⁴ Li pou rann mwa glwar parski li pou anons zot tou seki li finn resevwar ar mwa.

Zn 16:14 ပူးပေါင်းရင်းမြစ်များ

Zn 14:21

Seki gard mo bann komannman e met zot an pratik, mo kone ki li kontan mwa; seki kontan mwa, mo Papa pou kontan li e mwa, mo pou kontan li osi e li pou kone ki mo ete vremem.”

Zn 15:26

Kan Sa-Enn ki pou defann zot la pou vini, li pou donn so temwaniaz lor mwa. Li sorti kot mo Papa; mo pou avoy li e limem Lespri laverite.

Zn 7:39

Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok-la, Lespri pa ti ankor desann lor zot parski Zezi pa ti ankor glorifie.

1 Ko 12:3

Mo oule zot kone ki dimounn ki gide par Lespri Bondie pa pou kapav dir, “Zezi li modi.” E personn pa kapav dir, “Zezi limem Segner,” si li pa gide par Lespri Sin.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Ga 5:5

Pou nou, par Lespri ek par lafwa, nou atann dan lesperans ki Bondie rann nou zis.

1 Pi 2:7

Pou zot ki krwar, sa ros-la ena enn gran valer, me pa pou bann ki pa krwar, “Ros ki bann konstrikter finn rezete finn vinn ros kwin prinsipal.”

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

1 Zn 5:6

Zezi Kris, limem ki finn vini avek dilo so batem ek disan so lamor. Li pa finn vinn avek zis dilo, me avek dilo ek disan; e Lespri li rann temwaniaz ki sa vre, parski Lespri limem laverite.

Revelasion 19:10

Alor mo tom azenou pou ador li, me li dir mwa, “To pa fer sa! Mo enn koleg serviter avek twa ek to bann kamarad, bann temwin fidel Zezi. Bondie ki to bizin adore parski temwaniaz Zezi, samem lespri ki inspir bann profet.”