Zn 14:6 - Nouvo Testaman Kreol Morisien Harmonisation NTPS KM

⁶ Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Nouvo Testaman dan Kreol Morisien

⁶ Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 14:6 ပူးပေါင်းရင်းမြစ်များ

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

Zn 1:4

Limem ti lavi e lavi ti lalimier tou dimounn.

Zn 10:28

Mo donn zot lavi eternel, e zame zot pou mor. Personn pa pou kapav tir zot dan mo lame.

Zn 10:7

Alors Zezi dir zot ankor, “Vremem laverite mo dir zot, momem laport bann mouton.

Zn 10:9

Momem laport; seki pas par mwa, mo pou sov li, li pou kapav rantre sorti kouma li anvi e pou touzour ena patiraz pou li.

Zn 14:19

Dan enn tigit letan ankor, lemond nepli pou trouv mwa me zot, zot pou kontigne trouv mwa parski mo pou viv e zot osi zot pou viv.

Zn 15:1

“Mwa, mo vre pie rezin, mo Papa, proprieter karo.

Zn 18:37

Lerla Pilat dir, “Alors to enn lerwa?” Zezi reponn, “Twa ki pe dir. Mo finn ne, mo finn vinn dan lemond pou enn sel rezon: rann temwaniaz laverite. Tou dimounn ki dan laverite, ekout mo lavwa.”

Zn 5:21

Parey kouma Papa-la lev dimounn mor e donn zot lavi, Garson-la osi donn lavi dimounn ki li anvi.

Zn 6:33

Parski dipin ki Bondie done, samem dipin ki finn desann depi lesiel e ki donn lavi lemond antie.”

Zn 6:51

Momem dipin vivan ki finn desann depi lesiel; si kikenn manz sa dipin-la, li pou viv touletan; dipin ki mo done, se mo prop lekor pou ki lemond antie gagn lavi.”

Zn 6:57

Parey kouma mo Papa ki lasours lavi finn avoy mwa, e mwa mo viv par li, parey seki manz mwa, li osi pou viv par mwa.

Zn 6:68

Simon Pier reponn, “Segner, kot nou pou ale? Tomem ki ena Parol lavi eternel.

Zn 8:32

Zot pou konn laverite e laverite pou rann zot lib.”

Zn 8:51

Vremem, laverite mo dir zot, si kikenn gard mo parol, zame li pou mor.”

Zistwar Bann Zapot 3:15

Zot finn touy Sa-Enn ki donn lavi, me Bondie finn resisit li. Nou tou nou temwin sa.

Zistwar Bann Zapot 4:12

Pena personn kapav sov nou apar Zezi, parski pena okenn lot nom dan lemond antie ki kapav sov nou.”

Zistwar Bann Zapot 9:2

pou dimann li papie arestasion pou bann sinagog dan Damas. Koumsa si li trouv ninport ki zom ou fam ki pe swiv Sime Bondie li pou aret zot ek amenn zot Zerizalem.

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pou ki lepep non-Zwif vinn enn ofrand ki fer Bondie plezir e ki sanktifie par Lespri Sin.

Let pou Romin 5:2

Akoz nou ena lafwa dan Lekris, li finn fer nou gagn akse ar lagras Bondie, e nou viv dan lexperyans sa lagras-la. Nou met nou fierte dan lesperans ki nou partaz laglwar Bondie.

Let pou Romin 5:21

Parey kouma pese ti regne dan lamor, dan mem manier lagras regne par lazistis pou amenn lavi eternel atraver Zezi Kris, nou Segner.

1 Ko 15:45

Lekritir deklare, “Premie imin Adam ti vinn enn lespri vivan, dernie Adam enn Lespri ki donn lavi.”

Ef 2:18

Par Lekris nou tou, Zwif ek non-Zwif, nou kapav prezant nou devan Bondie Papa dan enn sel Lespri.

Let pou Kolosien 2:17

Tousala nek lonbraz bann realite ki pou vini e ki sorti depi Lekris.

Let pou Kolosien 2:9

Parski totalite natir Bondie res dan li, dan so lekor,

Let pou Kolosien 3:4

Ler Lekris, ki zot vre lavi, pou manifeste, lerla zot ousi zot pou manifeste dan laglwar ar li.

Eb 7:25

Alor, samem li kapav sov dimounn ki vinn kot Bondie atraver li, parski li touzour vivan pou pled dan zot faver.

Eb 9:8

Par sa, Lespri Sin pe montre ki sime ki amenn dan sanktier pa ankor ouver, osi lontan ki premie latant ankor la.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pou ki zot lafwa ek zot lesperans repoz dan Bondie.

1 Pi 2:4

Vinn kot li; li enn ros vivan. Mem si li finn rezete par bann zom, Bondie finn apresie li e finn swazir li.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Zn 1:8

Si nou dir ki nou pena pese, nou tronp noumem, e laverite pa dan nou.

1 Zn 2:23

Kikenn ki rezet Bondie Garson li pena Bondie Papa dan li. Tou dimounn ki aksepte Bondie Garson li ena osi Bondie Papa.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

1 Zn 5:6

Zezi Kris, limem ki finn vini avek dilo so batem ek disan so lamor. Li pa finn vinn avek zis dilo, me avek dilo ek disan; e Lespri li rann temwaniaz ki sa vre, parski Lespri limem laverite.

2 Zn 1:9

Tou dimounn ki depas limit e pa gard lansegnman Kris, zot pena Bondie dan zot. Dimounn ki gard so lansegnman, zot ini avek Bondie Papa ek so Garson.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Revelasion 19:11

Lerla mo trouv lesiel ouver e enn seval blan paret. So kavalie ti apel Fidel ek Verite. Li drwat dan so zizman e li konbat avek lazistis.

Revelasion 20:15

Dimounn ki so nom pa ti ekrir dan liv lavi, ti zet li dan basin dife.

Revelasion 22:1

Apre sa, li montre mwa enn larivier delo lavi kler kouma kristal, ki pe desann depi kot tronn Bondie ek tronn Agno.

Revelasion 22:17

Lespri ek nouvel marye dir, “Vini!” Dimounn ki tann sa, zot osi dir, “Vini!” Dimounn ki swaf bizin vini, dimounn ki anvi pran delo lavi, pran li gratis.

Revelasion 3:14

Let ki finn ekrir pou anz dan Legliz Laodise: “Ala parol Amen, vre temwin fidel ki lasours kreasion Bondie:

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: