Zn 14:27 - Nouvo Testaman Kreol Morisien Harmonisation NTPS KM

²⁷ Shalom, mo donn zot mo lape, pa manier lemond me dan mo manier. Pa boulverse, pa gagn per.

Nouvo Testaman dan Kreol Morisien

²⁷ Shalom, mo donn zot mo lape, pa manier lemonn me dan mo manier. Pa boulverse, pa gagn per.

Zn 14:27 ပူးပေါင်းရင်းမြစ်များ

Let pou Filipien 4:7

Lape Bondie ki depas tou lintelizans, pou gard zot lekor ek zot lespri dan Zezi Kris.

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

2 Tes 3:16

Ki Segner, sours lape, li donn zot limem touletan lape e dan tou sort fason. Ki Bondie res ar zot tou.

Let pou Kolosien 3:15

Ki lape Lekris regn dan zot leker, pou samem ki zot tou finn apele pou form enn sel lekor. Viv dan rekonesans.

2 Tim 1:7

Lespri ranpli nou avek lafors, lamour ek kontrol lor noumem.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pou ki zot lesperans deborde par pwisans Lespri Sin.

Let pou Romin 8:6

Si natir imin ki pe kontrole, sa li amenn lamor; me si Lespri ki dirize, sa li donn lavi ek lape.

Ga 1:3

Ki lagras ek lape ki sorti kot Bondie Papa ek Lesegner Zezi Kris, res ar zot.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Psom 29:11

LESEGNER donn lafors so pep, ki LESEGNER beni so pep e donn li lape.

Let pou Romin 5:1

Aster-la ki nou finn zistifie par lafwa, nou ena lape avek Bondie atraver nou Segner Zezi Kris.

Zn 14:1

“Pa bizin zot boulverse; krwar dan Bondie, krwar osi dan mwa.

Psom 112:7

Li pa per kan li tann move nouvel; so lafwa li ferm ek solid, li met so konfians dan LESEGNER.

Let pou Romin 5:10

Nou ti bann lennmi Bondie, me nou finn rekonsilie ar li par lamor so Garson; aster ki nou rekonsilie ar li, ena plis rezon ki nou pou sove par lavi so Garson.

Zn 20:21

Zezi dir zot ankor, “Lape avek zot; parey kouma mo Papa finn avoy mwa, mwa osi mo avoy zot.”

Psom 56:11

dan Bondie mo met konfians; mo pena lafreyer. Ki enn imin ordiner kapav fer kont mwa?

Psom 91:5

To nepli pou bizin per danze aswar ouswa bann latak antret dan lazourne

Let pou Kolosien 1:20

e rekonsilie tou par li e pou li, lor later ek dan lesiel, letan li finn etablir lape par disan so lakrwa.

Let pou Romin 1:7

Mo pe ekrir pou tou bann ki dan Rom ki Bondie kontan e ki li finn apele pou swiv Zezi Kris. Ki Bondie nou Papa ek Lesegner Zezi Kris donn zot lagras ek lape.

Psom 85:10

Lamour infini ek fidelite pou mars lame dan lame; Drwatir ek lape pou existe kotakot.

1 Ko 1:3

Mo swet zot lagras ek lape ki sorti kot nou Papa Bondie ek Lesegner Zezi Kris.

Psom 56:3

Kan mo gagn per, mo met mo konfians dan twa.

Zn 20:19

Aswar premie zour lasemenn, bann disip ti ansam dan enn lakaz. Zot finn met lakle dan laport parski zot ti gagn per bann Zwif. Zezi vini, li debout devan zot e li dir, “Shalom”.

2 Tes 1:2

Nou swete ki Bondie nou Papa ek Segner Zezi Kris donn zot lagras ek lape.

Zistwar Bann Zapot 10:36

Zot konn mesaz ki li finn avoy lepep Izrael, enn Bonn Nouvel ki ena lape par Zezi Kris ki Lesegner tou dimounn.

Lk 2:14

“Laglwar pou Bondie lao e lape lor later ar tou seki li kontan.”

Lk 1:79

Li pou ekler bann seki dan teneb ek dan lonbraz lamor. Li pou gid nou pa lor sime lape.”

Eb 13:20

Bondie, lasours lape, finn resisit nou Segner Zezi, gran Berze bann mouton, ki finn vers so disan ki garanti enn lalians eternel.

Zistwar Bann Zapot 18:9

Enn swar dan enn vizion Lesegner dir Pol, “Pa bizin gagn per, me kontign koze, napa res trankil;

Mt 10:26

Pa per personn. Tou seki kasiet pou vinn dan kler, tou seki sekre pou devwale;

Psom 27:1

LESEGNER, limem mo lalimier; limem mo sover. Mo pena pou per personn. LESEGNER protez mwa kont tou danze; mo pena pou tranble devan personn.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Revelasion 1:4

Ala mesaz ki Zan pe avoy set Legliz dan provins Lazi: Lagras ek lape Bondie ki existe, ki ti existe e ki pou vini; mesaz sorti osi kot sa set lespri devan tronn,

Eb 7:2

Abraam ti donn li enn diziem lor tou seki li ti ena. Dabor Melkisedek vedir “lerwa lazistis.” Me li osi lerwa Salem ki vedir “lerwa lape.”

Zn 20:26

Wit zour apre, bann disip ti ansam dan lakaz e Toma ti avek zot. Ti ena lakle dan laport e Zezi vini, li debout devan zot e li dir, “Shalom.”

Psom 28:3

Pa met mwa dan mem panie ar move dimounn ki viv dan lemal, bann ki ena disik dan labous me fiel dan leker.

Proverb 3:25

Pa bizin per kan tanpet bate; pa trakase kan siklonn kraz lor bann move dimounn.

Revelasion 21:8

Me bann las, bann infidel, bann deprave, bann asasin, bann ki viv lavi imoral, bann mazisien, bann ki ador zimaz, ek tou bann manter, zot plas pou dan basin dife ek souf; samem deziem lamor.”

Ga 6:16

Tou dimounn ki mars dapre sa prinsip-la, lape ek mizerikord pou ar zot ek Izrael pep Bondie osi.

Lk 10:5

Kan zot rant dan enn lakaz, dir avan, ‘Shalom, lape dan sa lakaz-la!’

Psom 72:7

Ed li pou ki drwatir fleri pandan so regn e ki ena prosperite tanki lalinn eklere.

Let pou Kolosien 1:2

Zot bann disip ki dan lavil Kolos, bann frer e bann ser fidel dan Lekris: Ki labonte ek lape Bondie nou Papa res lor zot.

Lk 12:4

Ala mo dir zot, mo bann kamarad, pa per seki kapav detrir lekor, e pa kapav fer plis ki sa.

Psom 11:1

LESEGNER, limem mo sekirite! Abe kouma to kapav dir mwa, “Anvole kouma zwazo, al kasiet lor montagn

Psom 72:2

pou ki li regne lor lepep dan lazistis e gouvern bann oprime dan ladrwatir.