Zn 14:26 - Nouvo Testaman Kreol Morisien Harmonisation NTPS KM

²⁶ Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Nouvo Testaman dan Kreol Morisien

²⁶ Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 14:26 ပူးပေါင်းရင်းမြစ်များ

Psom 51:11

Pa avoy mwa lwin ar twa; pa ras to lespri sin ki dan mwa.

Mt 1:18

Ala kouma Zezi Kris ti ne. So mama Marie ti fiyanse avek Zozef. Avan ki zot ti koumans viv ansam Marie finn trouv li ansint par laksion Lespri Sin.

Mt 1:20

Letan Zozef pe kalkil tousala, anz Lesegner paret devan li dan enn rev. Anz la dir li, “Zozef, garson David, pa per pou pran Marie kouma to fam. Zanfan ki dan so vant li sorti depi Lespri Sin.

Mt 28:19

Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin.

Mt 3:11

Mwa, mo pe batiz zot dan dilo pou zot repanti. Me Sa-Enn ki pe vini apre mwa, li pli for ki mwa; mo pa ase bon, pou mo kourbe devan li pou larg so sandalet.

Mk 12:36

Avek linspirasion Lespri Sin, David limem ti pe dir, ‘Lesegner finn dir ar mo Segner, asiz dan mo kote drwat, ziska mo fini met to bann lennmi anba to lipie.’

Mk 13:11

Kan bann-la pou aret zot, pou zot pas an zizman, pa trakase pou kone ki zot pou dir; me dan sa ler-la dir seki vinn dan zot labous; parski napa zot ki pou koze me Lespri Sin.

Lk 1:15

Li pou gran devan Lesegner. Li pa pou bwar divin ni okenn lalkol. Li pou ranpli ar Lespri Sin depi dan vant so mama.

Lk 1:35

Anz-la reponn, “Lespri Sin pou vinn lor twa, e pwisans Bondie Treo pou kouver twa; akoz samem zanfan-la pou Sin e pou apel li Garson Bondie.

Lk 1:41

Kan Elizabet tann lavwa Marie, tibaba-la bouze dan so vant. Elizabet ti ranpli avek Lespri Sin

Lk 1:67

So papa Zakari ranpli ar Lespri Sin, profetize,

Lk 11:13

Move kouma zot move, zot konn donn bon kiksoz zot zanfan; aster mazine komie plis ankor, zot Papa dan lesiel pou fer kado Lespri Sin seki dimann li.”

Lk 2:25

Dan Zerizalem ti ena enn dimounn apel Simeon. Li ti viv enn lavi bien drwat, li ti devwe pou Bondie e li ti pe atann seki pou vinn sov Izrael. Lespri Sin ti ar li.

Lk 24:49

Aster-la mo avoy lor zot seki mo Papa finn promet. Res Zerizalem ziska ki zot resevwar pwisans ki sorti lao.”

Lk 3:22

lesiel ouver, e Lespri Sin desann lor li dan form enn vre kolonb, ek enn lavwa sorti dan lesiel, li dir, “Tomem mo Garson ki mo kontan, to fer mo boner.”

Zn 1:33

Mwa, mo pa ti konn li, me seki finn avoy mwa batiz dan dilo la, finn dir mwa, dimounn lor ki to pou trouv Lespri desann e res lao lor so latet, limem pou batiz ar Lespri Sin.

Zn 12:16

Letan sa ti pase, so bann disip pa ti pe konpran me apre, kan Zezi finn glorifie, zot ti rapel seki Lekritir finn dir e seki dimounn ti fer pou li.

Zn 14:16

Mo pou demann mo Papa, donn zot Sa-Enn ki pou defann zot la pou ki li res touletan avek zot.

Zn 14:25

Mo finn dir zot tousala parski mo ankor avek zot.

Zn 15:26

Kan Sa-Enn ki pou defann zot la pou vini, li pou donn so temwaniaz lor mwa. Li sorti kot mo Papa; mo pou avoy li e limem Lespri laverite.

Zn 16:7

Me mo pe dir zot laverite, li dan zot lavantaz ki mo ale; parski si mo pa ale, Sa-Enn ki pou defann zot la, pa pou vinn ar zot; me si mo ale, mo pou avoy li.

Zn 2:22

Akoz samem, kan li finn leve parmi bann mor, so bann disip ti rapel so parol e zot finn krwar dan Lekritir ek dan parol ki Zezi finn dir.

Zn 20:22

Apre sa, Zezi soufle lor zot e dir zot, “Ala Lespri Sin.

Zn 6:45

Dan liv profet finn ekrir, ‘Bondie pou ansegn tou dimounn.’ Tou seki ekoute ek aprann ar mo Papa, pou vinn ar mwa.

Zn 7:39

Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok-la, Lespri pa ti ankor desann lor zot parski Zezi pa ti ankor glorifie.

Zistwar Bann Zapot 1:2

ziska ki li mont dan lesiel. Avan sa, li ti donn instriksion, par Lespri Sin, bann zapot ki li ti swazir.

Zistwar Bann Zapot 1:4

Letan li ti pe manze ansam ar zot, li ti donn zot lord napa kit Zerizalem, me atann ki promes so Papa realize kouma li ti dir,

Zistwar Bann Zapot 1:8

Me zot pou gagn enn lafors kan Lespri Sin pou desann lor zot, lerla zot pou vinn mo temwin dan Zerizalem, dan Zide ek Samari e partou lor later.”

Zistwar Bann Zapot 11:16

Mo finn rapel Parol Bondie ki dir, ‘Zan ti batiz ar dilo, me zot, zot pou resevwar batem dan Lespri Sin.’

Zistwar Bann Zapot 13:2

Letan zot ti pe ador Lesegner e zot ti pe gard karem, Lespri Sin dir zot, “Met Barnabas ek Sol enn kote pou enn mision ki mo ena pou zot.”

Zistwar Bann Zapot 13:4

Sa de-la, ki Lespri Sin ti avoye, ti al Selesi e depi laba zot ti pran bato pou al Sip.

Zistwar Bann Zapot 15:28

Lespri Sin e nou mem finn pran enn desizion pou pa met pli gran fardo lor zot ledo. Ala seki nou pe dir:

Zistwar Bann Zapot 15:8

Bondie konn leker tou dimounn. Pou montre ki li anvi ki bann non-Zwif osi krwar, li finn donn bann-la Lespri Sin, parey kouma li finn donn nou.

Zistwar Bann Zapot 16:6

Parski Lespri Sin finn anpes zot proklam laparol dan Lazi, zot finn al dan rezion Frizi ek Galasi.

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann seki zot pe trouve ek tande.

Zistwar Bann Zapot 2:4

Zot tou ti ranpli ar Lespri Sin e zot koumans koz dan lezot langaz dapre seki Lespri ti pe donn zot pou exprime.

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Zistwar Bann Zapot 20:35

Dan tou seki mo finn fer, mo finn montre zot kouma avek travay dir, nou kapav pran swin bann feb. Rapel parol ki Lesegner Zezi ti dir, ‘Ena plis benediksion kan done, ki kan resevwar.’ ”

Zistwar Bann Zapot 28:25

E zot finn ale san ki zot dakor ant zotmem. Pol dir zot, “Lespri Sin ti ena rezon letan li ti koz ar zot anset par labous profet Izai, e li ti dir:

Zistwar Bann Zapot 5:3

Pier dimann li, “Ananias, kifer to les Satan ranpli to leker? To finn koz manti ar Lespri Sin e to finn gard enn parti larzan pou twa.

Zistwar Bann Zapot 7:51

Zot, bann dimounn ki ena latet dir, zot leker ek zot zorey pa ekout Bondie, zot touzour reziste Lespri Sin. Zot fer parey kouma zot bann anset.

Zistwar Bann Zapot 7:55

Me Etienn, ranpli ar Lespri Sin, get ver lesiel ek li trouv laglwar Bondie, ek Zezi pe dibout lor so kote drwat.

Let pou Romin 14:17

An-efe, rwayom Bondie pa enn zafer manze ou bwar, me li konsern drwatir, lape ek lazwa ki Lespri Sin done.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pou ki zot lesperans deborde par pwisans Lespri Sin.

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pou ki lepep non-Zwif vinn enn ofrand ki fer Bondie plezir e ki sanktifie par Lespri Sin.

Let pou Romin 5:5

Sa lesperans-la li pa desevwar nou, parski Bondie finn repann so lamour dan nou leker par Lespri Sin ki li finn donn nou.

1 Ko 12:3

Mo oule zot kone ki dimounn ki gide par Lespri Bondie pa pou kapav dir, “Zezi li modi.” E personn pa kapav dir, “Zezi limem Segner,” si li pa gide par Lespri Sin.

1 Ko 6:19

Zot pa kone ki zot lekor enn Tanp Lespri Bondie, ki li viv dan zot, e ki Bondie ki finn donn zot sa Lespri-la? Alor zot pa apartenir ar zotmem;

2 Ko 6:6

Nou montre noumem kouma serviter Bondie par lapirte, konesans, pasians, labonte, par Lespri Sin, lamour vre,

Ef 1:13

Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pou ki zot konn li plis ankor.

Ef 4:30

Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem proprieter; sa enn garanti ziska sa Zour kot Bondie pou delivre zot.

1 Tes 4:8

Akoz samem, dimounn ki rezet sa lansegnman-la, li pa pe rezet enn zom me Bondie ki donn osi so Lespri Sin.

2 Tim 1:14

Gard bann bon lansegnman avek led Lespri Sin ki touzour prezan dan nou leker.

Let pou Tit 3:5

li finn sov nou. Pa akoz nou bann bon aksion me par so mizerikord. Li finn sov nou atraver delo ki donn enn nouvo nesans ek enn renouvelman par Lespri Sin.

Eb 10:15

E Lespri Sin osi konfirm sa avek nou, li dir;

Eb 2:4

Bondie limem finn soutenir sa mesaz-la par bann sign extraordiner avek enn bann mirak e osi par bann don dapre volonte Lespri Sin.

Eb 3:7

Alor, kouma Lespri Sin dir, “Zordi, letan zot tann lavwa Bondie,

Eb 9:8

Par sa, Lespri Sin pe montre ki sime ki amenn dan sanktier pa ankor ouver, osi lontan ki premie latant ankor la.

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz-la.

2 Pi 1:21

parski okenn profesi pa finn vini par volonte imin, me plito bann dimounn anba linflians Lespri Sin ki finn proklam mesaz Bondie.

1 Zn 2:20

Me zot, zot finn resevwar lonksion ki sorti kot Sa-Enn ki Sin e zot ena konesans laverite.

1 Zn 2:27

Me zot, sa lonksion ki Lekris finn vers lor zot la, li kontign res ar zot. Kouma zot ena so Lespri dan zot, zot pa bizin enn lot dimounn pou ansegn zot. Anfet, Lespri ansegn zot lor tou kiksoz e tou seki li ansegn zot li vre, li pa fos. Samem zot bizin obeir lansegnman ki sorti kot Lespri: res touzour ini avek Lekris.

1 Zn 5:7

Ena trwa temwin:

Let Zid 1:20

Me zot, mo bann kamarad, zot bizin kontigne ed zot kamarad pou konstrir lor mesaz ki Bondie finn donn zot. Zot bizin priye avek led Lespri Sin;

Revelasion 2:11

Si zot ena zorey ekout seki Lespri ena pou dir bann Legliz. Seki ranport laviktwar lor diab pa pou konn deziem lamor.”