Zn 14:17 - Nouvo Testaman Kreol Morisien Harmonisation NTPS KM

¹⁷ Limem Lespri laverite. Lemond pa kapav resevwar li parski li pa trouv li e pa konn li. Zot, zot konn li parski li res ar zot e li dan milie zot.

Nouvo Testaman dan Kreol Morisien

¹⁷ Limem Lespri laverite. Lemonn pa kapav resevwar li parski li pa trouv li e pa konn li. Zot, zot konn li parski li res ar zot e li dan milie zot.

Zn 14:17 ပူးပေါင်းရင်းမြစ်များ

Proverb 14:10

Kan to leker dan lapenn, personn pa kone; kan to leker dan lazwa, personn pa kas latet.

Mt 10:20

pa zot ki pou koze, me Lespri Bondie ki pou koz atraver zot.

Zn 14:16

Mo pou demann mo Papa, donn zot Sa-Enn ki pou defann zot la pou ki li res touletan avek zot.

Zn 14:23

Zezi reponn, “Si vremem kikenn kontan mwa, li pou met mo parol an pratik, mo Papa pou kontan li, nou pou vinn kot li e nou pou fer nou lakaz kot li.

Zn 15:26

Kan Sa-Enn ki pou defann zot la pou vini, li pou donn so temwaniaz lor mwa. Li sorti kot mo Papa; mo pou avoy li e limem Lespri laverite.

Zn 16:13

Kan Lespri laverite vini, li pou kondir zot dan laverite. Li pa pou koz dapre so prop lide, me tou seki li finn tande, samem li pou dir; li pou anons zot tou seki pou vini.

Zn 6:40

Samem volonte mo Papa: tou dimounn ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

1 Ko 14:15

Alor ki mo bizin fer? Mo pou priye inspire par Lespri, me mo pou osi priye avek mo lintelizans. Mo pou sant avek mo lespri, me mo pou osi sant avek mo lintelizans.

1 Ko 2:14

Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

1 Ko 3:16

Zot tou sirman kone ki zot lekor Tanp Bondie e ki Lespri Bondie li viv dan zot.

1 Ko 6:19

Zot pa kone ki zot lekor enn Tanp Lespri Bondie, ki li viv dan zot, e ki Bondie ki finn donn zot sa Lespri-la? Alor zot pa apartenir ar zotmem;

2 Ko 13:5

Examinn zotmem pou verifie si zot pe viv dan lafwa. Teste zotmem. Eski zot pa realize ki Lekris dan zot? Amwin ki lexame ki zot fer montre ki zot finn fel.

2 Ko 6:16

Ki lakor ena ant Tanp Bondie ek bann idol? Parski noumem ki Tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

Ga 4:6

E parski zotmem so bann zanfan, Bondie finn avoy Lespri so Garson dan nou leker, Lespri ki kriye “Abba, Papa!”

Ef 2:22

Dan linion avek li, zot osi zot fer parti ansam avek lezot pou vinn enn lakaz kot Bondie abite par so Lespri.

Ef 3:17

Mo priye ki Lekris res dan zot leker par lafwa. Mo priye ki zot bien anrasine ek bien etabli dan lamour,

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

2 Tim 1:14

Gard bann bon lansegnman avek led Lespri Sin ki touzour prezan dan nou leker.

1 Zn 2:27

Me zot, sa lonksion ki Lekris finn vers lor zot la, li kontign res ar zot. Kouma zot ena so Lespri dan zot, zot pa bizin enn lot dimounn pou ansegn zot. Anfet, Lespri ansegn zot lor tou kiksoz e tou seki li ansegn zot li vre, li pa fos. Samem zot bizin obeir lansegnman ki sorti kot Lespri: res touzour ini avek Lekris.

1 Zn 3:24

Dimounn ki obeir komannman Bondie li res ini avek Bondie e Bondie pou prezan dan li. Ala kouma nou kone ki Bondie viv dan nou, par so Lespri ki li finn donn nou.

1 Zn 4:4

Mo bann zanfan, zot sorti kot Bondie, e zot finn vink bann fos profet; parski Sa-Enn ki dan zot, li pli for ki lespri ki dan lemond.

1 Zn 4:6

Nou, nou sorti kot Bondie. Dimounn ki konn Bondie ekout nou, e dimounn ki pa sorti kot Bondie, pa ekout nou. Koumsa mem ki nou rekonet Lespri Bondie ki vre ek lespri dimal ki fos.

1 Zn 5:7

Ena trwa temwin:

Revelasion 2:17

Si zot ena zorey, ekout seki Lespri ena pou dir bann Legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom-la, exsepte sa dimounn ki resevwar li la.”