Zn 13:9 - Nouvo Testaman Kreol Morisien Harmonisation NTPS KM

⁹ Simon Pier dir, “Segner, si koumsa, pa lav zis mo lipie me mo lame ek mo latet osi.”

Nouvo Testaman dan Kreol Morisien

⁹ Simon Pier dir, “Segner, si koumsa, pa lav zis mo lipie me mo lame ek mo latet osi.”

Zn 13:9 ပူးပေါင်းရင်းမြစ်များ

Psom 26:6

Mo lav mo lame pou montre mo inosans; mo mars dan lapriyer otour to lotel, SEGNER.

Psom 51:2

Lav mwa, retir tou mo bann fot, pirifie mwa, retir mo bann pese.

Psom 51:7

Efas mo pese e mo pou vinn prop; netway mwa e mo pou vinn pli blan ki lanez.

Mt 27:24

Letan Pilat trouve ki li nepli kapav fer nanye me ki bann-la pe pli revolte, li pran dilo e li lav so lame devan lafoul; li dir, “Mo pa responsab disan sa dimounn-la; get zot zafer.”

Zn 13:10

Zezi dir, “Seki finn fini begne, pa neseser li begne ankor parski so lekor prop; li bizin lav zis so lipie. Zot, zot prop me pa zot tou selman.”

Zn 13:8

Pier dir, “Pena sime to lav mo lipie.” Zezi reponn, “Si mo pa lav to lipie to pa pou partaz mo lavi.”

Eb 10:22

Anou apros nou kot Bondie avek enn leker sinser ek enn lafwa total, leker prop dan enn lekor lave avek dilo pir.

1 Pi 3:21

Sa enn fason pou montre batem ki pe sov zot aster-la; pa pou lav inpirte dan zot lekor, me kouma enn langazman ar Bondie pou enn konsians prop; li sov zot par rezireksion Zezi Kris,