Zn 13:3 - Nouvo Testaman Kreol Morisien Harmonisation NTPS KM

³ Kouma li kone ki so Papa finn met tou dan so lame, ki li sorti kot Bondie e ki li pe retourn kot Bondie,

Nouvo Testaman dan Kreol Morisien

³ Kouma li kone ki so Papa finn met tou dan so lame, ki li sorti kot Bondie e ki li pe retourn kot Bondie,

Zn 13:3 ပူးပေါင်းရင်းမြစ်များ

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

Mt 28:18

Zezi vinn pre ar zot e dir zot, “Finn donn mwa tou pouvwar dan lesiel ek lor later,

Lk 10:22

Mo Papa finn remet tou kiksoz dan mo lame. Personn pa konn so Garson, exsepte Papa-la, e personn pa konn Papa-la exsepte so Garson e dimounn ar ki Garson-la anvi revel so Papa.”

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Zn 13:1

Avan fet Pak, kan Zezi trouve ki so ler finn vini pou kit sa later-la pou al rezwenn so Papa, kouma li ti kontan bann ki ti pe swiv li lor later, li kontign kontan zot ziska lafin.

Zn 17:2

Vremem, to finn donn li pouvwar lor tou dimounn e li finn donn lavi eternel tou seki to finn konfie li.

Zn 3:13

Personn pa finn mont dan lesiel, exsepte Garson Limanite ki finn desann depi lao.

Zn 3:35

Papa-la kontan so Garson e li finn met tou dan so lame.

Zn 7:29

Mwa mo konn li parski mo sorti kot li e li finn avoy mwa.”

Zn 7:33

Alor Zezi dir zot, “Mo pou avek zot pou ankor inpe letan, apre sa mo pou al kot Sa-Enn ki finn avoy mwa la.”

Zn 8:14

Zezi reponn zot, “Kanmem mo temwagn lor mwa, mo temwaniaz li vre parski mo kone kot mo sorti e kot mo pe ale; me zot, zot pa kone kot mo sorti e kot mo pe ale.

Zn 8:42

Zezi dir zot, “Si Bondie ti vremem zot Papa, zot ti pou kontan mwa, parski mwa, mo sorti kot Bondie. Mo pa finn vinn par mo prop lotorite me par lotorite Sa-Enn ki finn avoy mwa la.

Zistwar Bann Zapot 2:36

Tou lepep Izrael bizin kone avek lasirans: sa Zezi ki zot finn krisifie la, limem ki Bondie finn fer Segner e Mesi!”

1 Ko 15:27

Lekritir dir, “Li finn met tou kiksoz anba so lipie.” Kan li dir li finn met “tou” anba so lipie, li kler ki Bondie pa ladan, parski Bondie limem ki finn met tou anba Lekris.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kree lemond.