Zn 1:29 - Nouvo Testaman Kreol Morisien Harmonisation NTPS KM

²⁹ Landime, Zan trouv Zezi pe vini e li dir, “Get Agno Bondie ki tir pese lemond;

Nouvo Testaman dan Kreol Morisien

²⁹ Landime, Zan trouv Zezi pe vini e li dir, “Get Annyo Bondie ki tir pese lemonn;

Zn 1:29 ပူးပေါင်းရင်းမြစ်များ

Mt 1:21

Li pou donn nesans enn garson e to pou apel li Zezi. Avredir limem pou sov so pep ki dan pese.”

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Zn 1:35

Landime, Zan ti pe debout ankor avek de so bann disip.

Zn 1:36

So regar swiv Zezi ki pe pase; li dir, “Get Agno Bondie.”

Zn 1:43

Landime, Zezi desid pou al Galile. Ler li trouv Filip, li dir li, “Swiv mwa.”

Zn 2:1

Trwaziem zour mision Zezi, ti ena enn maryaz dan Kana ki ti dan Galile. Mama Zezi ti la.

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Zn 4:42

Zot dir madam-la, “Nou nepli krwar akoz to parol, me nou osi, nou finn tann li e nou kone ki limem vre Sover lemond.”

Zn 6:51

Momem dipin vivan ki finn desann depi lesiel; si kikenn manz sa dipin-la, li pou viv touletan; dipin ki mo done, se mo prop lekor pou ki lemond antie gagn lavi.”

Zistwar Bann Zapot 13:39

Par Zezi tou dimounn ki krwar pe gagn liberasion so bann pese ki lalwa Moiz pa ti kapav fer.

Zistwar Bann Zapot 8:32

Ala pasaz Lekritir ki li ti pe lir: “Parey kouma enn mouton ki zot pe amenn labatwar kouma enn agno bien trankil devan bann ki pe koup so lalenn, li pa ouver so labous.

1 Ko 15:3

Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

2 Ko 5:21

Lekris pa ti ena pese, me Bondie finn met nou pese lor li, pou ki letan nou ini ansam ar li, nou rant dan enn lavi akseptab devan Bondie.

Ga 1:4

Zezi Kris, finn donn limem pou nou pese e li finn delivre nou dan sa lemond move la dapre volonte Bondie nou Papa.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion-la, parski finn ekrir: “Malediksion pou dimounn ki pandi ar pie.”

1 Tim 2:6

ki finn met so lavi angaz pou liber tou dimounn. Bondie pe rann so temwaniaz dan ler ki ti fixe.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

Eb 2:17

Pou sa rezon-la, li bizin vinn parey kouma so bann frer e ser dan tou fason, pou li kapav vinn enn gran pret fidel ek ranpli ar mizerikord dan servis Bondie, e pou ki bann pese dimounn pardone.

Eb 9:28

Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

1 Pi 1:19

me par disan presie Zezi Kris, parey kouma enn agno ki pena okenn defo.

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemond antie.

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Revelasion 12:11

Me zot, zot finn gagn batay par disan Agno Bondie e par parol zot temwaniaz, parski zot pa ti telman atase ar zot lavi pou zot refiz lamor.

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.

Revelasion 14:1

Apre sa mo gete e mo trouv Agno pe dibout lor montagn Sion. Avek li ti ena san karann-kat mil dimounn, e lor zot fron ti finn ekrir so nom ek nom so Papa.

Revelasion 14:10

zot osi pou bwar divin lakoler Bondie ki pou verse, san fer okenn melanz, dan koup lakoler Bondie. Zot pou tourmante avek dife ek souf dan prezans bann anz sin ek Agno.

Revelasion 14:4

Sa bann-la, zot pa ti rann zot inpir ar bann fam; zot ti gard zotmem prop. Zot ti swiv Agno partou kot li ti ale. Zot ti sove parmi bann imin parey kouma bann premie fri Bondie ek Agno,

Revelasion 15:3

E zot ti sant kantik Moiz, serviter Bondie ek kantik Agno: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

Revelasion 17:14

Zot pou konbat kont Agno me Agno pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 19:7

Anou rezwir, anou selebre, anou rann laglwar Bondie! parski maryaz Agno finn arive, nouvel-marye finn fini prepar li.

Revelasion 19:9

Apre sa, enn anz ti dir mwa, “Ekrir sa: Zot pou ere, bann ki invite dan maryaz Agno.” Lerla li dir mwa, “Samem vre parol Bondie.”

Revelasion 21:14

E miray lavil-la ti ena douz fondasion, e lor sak fondasion ti ena nom douz Zapot Agno Bondie.

Revelasion 21:27

Me okenn inpirte pa pou rant dan lavil-la, ni personn ki pratik abominasion ou mansonz, me zis dimounn ki so nom finn ekrir dan liv lavi Agno.

Revelasion 21:9

Apre sa, enn parmi sa set anz ki ti ena set koup ranpli ar set dernie fleo la, vini e li dir mwa, “Vini, mo pou montre twa fianse-la, limem ki pou marye avek Agno.”

Revelasion 5:6

Lerla mo trouv enn Agno pe deboute ant tronn ek kat kreatir vivan la. Li ti parmi bann ansien, koumadir finn sakrifie li. Li ti ena set korn ek set lizie, ki ti set lespri Bondie ki ti finn anvwaye partou lor later.

Revelasion 5:8

Ler li fini resevwar roulo-la, sa kat kreatir vivan la ek sa vennkat ansien-la prostern devan Agno-la; sakenn ti ena enn laarp ek enn bann koup dore ranpli ar parfin ki ti reprezant lapriyer bann krwayan.

Revelasion 6:1

Lerla mo ti trouv Agno ouver enn sa set sele-la, e mo tann enn parmi sa kat kreatir vivan la kriye ar lavwa loraz, “Vini”.

Revelasion 6:16

Zot dir ar montagn ek ros, “Tom lor nou, kasiet nou lwin ar sa dimounn ki pe asiz lor tronn-la, e lwin ar lakoler Agno.

Revelasion 7:14

Mo dir li, “Mo Segner, tomem ki kone.” Lerla li dir mwa, “Sa bann-la, zot finn travers dan enn gran persekision, zot finn lav zot rob e finn fer zot vinn blan dan disan Agno.

Revelasion 7:17

Parski Agno ki la omilie tronn, li pou zot berze e li pou gid zot kot lasours delo lavi e Bondie pou souy tou larm dan zot lizie.”