Zn 1:1 - Nouvo Testaman Kreol Morisien Harmonisation NTPS KM

¹ Dan koumansman ti ena Laparol, Laparol ti ar Bondie e Laparol ti Bondie.

Nouvo Testaman dan Kreol Morisien

¹ Dan komansman ti ena Laparol, Laparol ti ar Bondie e Laparol ti Bondie.

Zn 1:1 ပူးပေါင်းရင်းမြစ်များ

Psom 45:6

Rwayom ki Bondie finn donn ou li pou regne pou touletan. Ou diriz ou pep dan lazistis;

Mt 1:23

“Enn zennfi pou ansint, li pou donn nesans enn garson. Li pou apel Emaniel,” ki vedir, ‘Bondie avek nou.’

Lk 24:53

Zot ti al souvan dan Tanp pou loue Bondie.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Zn 1:2

Dan koumansman li ti ar Bondie.

Zn 16:28

Mo sorti kot mo Papa e mo finn vinn dan lemond; mo pe kit lemond e mo pe retourn kot mo Papa.”

Zn 17:5

Papa, glorifie mwa aster; donn mwa laglwar ki mo ti ena kot twa depi koumansman, avan ki later ti kree.

Zn 20:28

Toma dir, “Mo Segner, mo Bondie.”

Zn 8:58

Zezi dir zot, “Vremem, laverite mo dir zot, avan Abraam ti ne, mwa, mo ti la.”

Let pou Romin 9:5

zot desandan bann patriars, e Zezi, kouma enn imin, sorti dan zot ras, limem ki lao tou. Nou beni Bondie pou leternite! Amen.

Ef 3:9

e fer tou dimounn kone ki fason Bondie, ki Kreater tou kiksoz, realiz sa mister ki li ti finn garde dan sekre depi touletan.

Let pou Filipien 2:6

Zezi, mem si li touletan ti ena natir Bondie, li pa finn anvi vinn egal ar Bondie.

Let pou Kolosien 1:15

Li rann vizib Bondie ki invizib, Premie-ne parmi tou bann kreatir,

Let pou Kolosien 1:17

Li, li avan tou kiksoz e tou existe an li.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

Eb 13:8

Zezi Kris, li parey yer, zordi ek pou touzour.

Eb 7:3

Li pena ni papa, ni mama, ni anset; li pena ni koumansman, ni lafin. Li parey kouma Garson Bondie e li pret pou touzour.

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

1 Zn 5:7

Ena trwa temwin:

Revelasion 1:11

Li ti pe dir, “Ekrir dan enn liv seki to pe trouve e avoy liv-la kot sa set Legliz dan Efez, Smirn, Pergam, Tiatir, Sard, Filadelfi ek Laodise.”

Revelasion 1:17

Ler mo trouv li, mo tonbe kouma enn dimounn mor e mo prostern devan li parey. Me li ti poz so lame drwat lor mwa e li ti dir, “Pa per twa! Momem premie ek dernie,

Revelasion 1:2

Zan pou temwagn lor tou seki li finn trouve konsernan parol Bondie ek temwaniaz Zezi Kris.

Revelasion 1:8

“Mo mem Alfa ek Omega,” deklar Lesegner Bondie ki existe, ki ti existe e ki pou vini.

Revelasion 19:13

Li ti met enn rob tranpe dan disan, e li ti apel “Parol Bondie.”

Revelasion 2:8

Let ki finn ekrir pou anz dan Legliz Smirn: “Sa-enn ki premie ek dernie ki ti finn mor e ki finn resisite la deklare:

Revelasion 21:6

Lerla li ti dir mwa, “Fini aster-la! Momem Alfa ek Omega, koumansman ek lafin. Dimounn ki gagn swaf, mo pou donn zot delo lasours lavi ki pa pou kout zot nanye.

Revelasion 22:13

Momem Alfa ek Omega, premie ek dernie, koumansman ek lafin.

Revelasion 3:14

Let ki finn ekrir pou anz dan Legliz Laodise: “Ala parol Amen, vre temwin fidel ki lasours kreasion Bondie: