Zistwar Bann Zapot 7:38 - Nouvo Testaman Kreol Morisien Harmonisation NTPS KM

³⁸ Letan lepep ti rasanble dan dezer, Moiz ti dibout ant lepep ek anz ki ti pe koz ar li lor Montagn Sinai. Li ti resevwar mesaz vivan ki sorti kot Bondie, pou partaz sa ar nou.

Nouvo Testaman dan Kreol Morisien

³⁸ Letan lepep ti rasanble dan dezer, Moiz ti dibout ant lepep ek anz ki ti pe koz ar li lor Mon Sinai. Li ti resevwar mesaz vivan ki sorti kot Bondie, pou partaz sa ar nou.

Zistwar Bann Zapot 7:38 ပူးပေါင်းရင်းမြစ်များ

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

Zn 6:63

Lespri donn lavi me lekor pa vo gran soz; parol ki mo finn prononse, samem Lespri, samem lavi.

Zistwar Bann Zapot 7:30

Apre ki karant-an ti pase, enn anz ti paret devan Moiz dan laflam enn bwison ki ti pe brile dan dezer.

Zistwar Bann Zapot 7:35

Ar Moiz mem ki bann Izraelit ti poz enn kestion, letan zot ti rezet li, zot ti dir, ‘Kisann-la finn fer twa sef ek ziz lor nou?’ Samem Moiz ki Bondie finn avoye kouma sef ek liberater so lepep avek led anz ki ti paret dan bwison ardan.

Zistwar Bann Zapot 7:53

Zot finn resevwar lalwa par bann anz me zot pa finn obeir li.”

Let pou Romin 3:2

Dan boukou manier lavantaz-la li gran. Premie dabor Bondie finn konfie zot so mesaz.

Let pou Romin 9:4

Zot bann Izraelit. Bondie finn adopte zot; li finn donn zot so laglwar, bann lalians, ek bann promes;

Ga 3:19

Pou kifer lalwa alor? Lalwa finn azoute pou fer kone ki pese ete. Rol lalwa reste ziska larive sa desandan pou ki sa promes-la finn fer. Bann anz finn amenn lalwa par enn mediater.

Eb 2:2

Si mesaz ki bann anz ti amene lontan ti valid e tou dimounn ki pa ti respekte ek obeir mesaz-la, zot ti gagn pinision ki zot ti merite;

Eb 4:12

Avredir, Parol Bondie li vivan e li ena lefe. Li pli fite ki enn lepe koup de kote. Kan li perse, li al dan fon, mem ziska kot nou nam separe ar nou lespri; ziska nou zwentir ek lamwel. Li analiz seki ena dan panse ek leker imin.

Eb 5:12

Depi tou sa letan-la, zot ti bizin fini vinn profeser, me zot pe bizin kikenn pou ansegn zot ankor bann prinsip parol Bondie. Zot nepli kapav manz manze solid, zot bizin bwar dile.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.