Zistwar Bann Zapot 6:14 - Nouvo Testaman Kreol Morisien Harmonisation NTPS KM

¹⁴ Nou finn tann li dir ki sa Zezi ki sorti Nazaret la, pou detrir sa plas-la e pou sanz koutim ki Moiz finn donn nou.”

Nouvo Testaman dan Kreol Morisien

¹⁴ Nou finn tann li dir ki sa Zezi ki sorti Nazaret la, pou detrir sa plas la e pou sanz koutim ki Moiz finn donn nou.”

Zistwar Bann Zapot 6:14 ပူးပေါင်းရင်းမြစ်များ

Mt 26:61

e zot dir, “Li finn dir, ‘Mo kapav detrir Tanp Bondie e rekonstrir li dan trwa zour.’ ”

Mk 14:58

“Nou finn tann li dir ‘Mo pou detrir sa Tanp ki lame dimounn finn aranze la, e dan trwa zour mo pou konstrir enn lot san koudme personn.’ ”

Lk 21:24

Bann-la pou transpers zot ar pwint lepe, pou fer zot prizonie parmi bann lezot pep; sa bann pep-la pou pil lor Zerizalem ziska ki letan ki finn akord zot termine.

Lk 21:6

Zezi dir, “Enn zour pou vini, kot tou seki zot pe trouve la, pou devir anba-lao. Pa pou res enn sel ros poze lor enn lot.”

Zn 2:19

Zezi reponn zot, “Kraz sa Tanp-la, dan trwa zour mo pou remet li debout.”

Zn 4:21

Zezi reponn li, “Fam, krwar mwa, ler pe arive kot nepli pou bizin mont lor sa montagn-la, ni al Zerizalem pou ador nou Papa.

Zistwar Bann Zapot 15:1

Ti ena de-trwa zom ki ti sorti Lazide e ti vinn Antios, e zot ti ansegn bann frer, “Zot pa pou sove si zot pa fer sirkonsizion dapre lalwa Moiz.”

Zistwar Bann Zapot 21:21

Ala seki bann-la rakonte lor twa: to pe ansegn bann Zwif ki viv parmi bann non-Zwif ki zot bizin abandonn lansegnman Moiz e to finn dir zot pa sirkonsir zot zanfan e pa swiv bann koutim Zwif.

Zistwar Bann Zapot 25:8

Pou defann limem Pol dir, “Mo pa finn komet okenn ofans, ni kont lalwa bann Zwif, ni kont Tanp, ni kont Sezar.”

Zistwar Bann Zapot 26:3

sirtou ki ou konn bann koutim Zwif ek lor ki size zot pa dakor. Alor mo sipliy ou, ekout mwa avek pasians.

Zistwar Bann Zapot 28:17

Trwa zour apre, Pol invit kot li bann sef Zwif ki ti dan Rom. Kan tou ti la, Pol dir zot, “Frer, mo pa finn fer nanye kont nou pep ni kont okenn bann koutim nou bann anset. Zot finn aret mwa dan Zerizalem e zot finn livre mwa dan lame bann Romin.

Ga 3:19

Pou kifer lalwa alor? Lalwa finn azoute pou fer kone ki pese ete. Rol lalwa reste ziska larive sa desandan pou ki sa promes-la finn fer. Bann anz finn amenn lalwa par enn mediater.

Ga 3:23

Avan ki lafwa arive, lalwa ti anferm nou kouma prizonie ziska ki lafwa revel limem.