Zistwar Bann Zapot 4:32 - Nouvo Testaman Kreol Morisien Harmonisation NTPS KM

³² Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam an kominote.

Nouvo Testaman dan Kreol Morisien

³² Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam ankominote.

Zistwar Bann Zapot 4:32 ပူးပေါင်းရင်းမြစ်များ

Zn 17:11

Mo nepli dan lemond alors ki zot ankor dan lemond; mwa mo pe vinn kot twa. Bondie sin, mo Papa! Protez zot par pouvwar ki to finn donn mwa. Lerla zot pou vinn enn sel kouma nou.

Zistwar Bann Zapot 1:14

Zot tou ti plonze dan lapriyer ansam avek de-trwa fam. Parmi ti ena Marie, mama Zezi ek so bann frer.

Zistwar Bann Zapot 2:1

Kan zour Lapantkot ti arive, tou bann krwayan ti reini ansam dan mem landrwa.

Zistwar Bann Zapot 5:12

Bann zapot ti fer enn kantite mirak ek mervey parmi lepep. Zot tou ti ansam anba galri Salomon kot ti ena bann kolonn.

Let pou Romin 12:5

Dan mem fason, nou ki plizir, nou form enn sel lekor dan linion avek Lekris e sakenn apartenir ar lezot.

1 Ko 1:10

Dan nom nou Segner Zezi Kris, mo fer enn lapel pou ki zot tou res dakor ant zot, pou ki pena okenn divizion parmi zot e ki zot bien ini dan enn sel panse ek enn sel konviksion.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.