Zistwar Bann Zapot 22:30 - Nouvo Testaman Kreol Morisien Harmonisation NTPS KM

³⁰ Komandan ti anvi konn exakteman ki bann Zwif ena kouma akizasion kont Pol. Akoz sa, landime, li fer detas lasenn Pol, e li konvok bann Sef Pret e Gran Konsey antie. Lerla li amenn Pol pou paret devan bann-la.

Nouvo Testaman dan Kreol Morisien

³⁰ Komandan ti anvi konn exakteman ki bann Zwif ena kom akizasion kont Pol. Akoz sa, landime, li fer detas lasenn Pol, e li konvok bann Sef Pret e Gran Konsey antie. Lerla li amenn Pol pou paret devan bannla.

Zistwar Bann Zapot 22:30 ပူးပေါင်းရင်းမြစ်များ

Mt 10:17

Fer bien atansion, akoz ena pou amenn zot devan tribinal e pou fwet zot dan zot sinagog;

Mt 27:2

Zot atas li, zot amenn li e zot livre li ar gouverner Pilat.

Mt 5:22

Me mwa mo dir zot, si kikenn ankoler avek so frer ou so ser, li merit zizman. Kikenn ki dir so frer ou so ser ‘fatra’, li merit zize par konsey bann ansien; kikenn ki dir so frer ‘fou’ li merit dife lanfer.

Zistwar Bann Zapot 21:11

Li vinn ver nou, li pran sintir Pol li atas so prop lame ek so lipie, li dir, “Ala seki Lespri Sin deklare: ‘Ala kouma bann Zwif dan Zerizalem pou atas proprieter sa sintir-la e pou livre li dan lame bann non-Zwif.’ ”

Zistwar Bann Zapot 21:33

Komandan vinn pli pre, li fer aret Pol ek atas li ar de lasenn. Lerla li dimann li kisann-la li ete e ki li finn fer.

Zistwar Bann Zapot 22:5

Bann gran pret ek lasanble bann ansien kapav rann temwaniaz ki mo pe dir laverite. Zotmem ki ti donn mwa let pou bann frer Zwif ki dan Damas, lavil kot mo ti pe ale pou aret bann krwayan ar lide pou amenn zot Zerizalem pou pini zot.

Zistwar Bann Zapot 23:1

Pol fixe bann manb konsey e li dir zot, “Mo bann frer, mo konsians trankil lor manier mo finn servi Bondie ziska aster-la.”

Zistwar Bann Zapot 23:15

Alors, ala seki bizin fer: zot, ansam ar konsey, bizin dimann komandan amenn Pol devan zot, swadizan zot ena ankor linformasion pou dimann li. Nou, nou pou pare pou touy li avan ki li ariv isi.”

Zistwar Bann Zapot 23:20

Garson-la dir, “Bann Zwif finn tom dakor pou dimann ou amenn Pol devan konsey dime, swadizan zot bizin re-examinn so ka avek plis latansion.

Zistwar Bann Zapot 23:28

Mo ti le kone kifer zot pe akiz li, alors mo finn amenn li devan zot konsey.

Zistwar Bann Zapot 23:6

Pol ti kone ki dan konsey enn parti ti Sadiseen ek enn parti ti Farizien. Akoz sa li kriye for, “Mo bann frer, mo enn Farizien mwa, garson enn Farizien. Mo pe pas lakour parski mo ena lesperans dan rezireksion bann mor.”

Zistwar Bann Zapot 26:29

Pol reponn li, “Tigit letan oubien boukou letan, mo priye Bondie ki pa zis ou me tou bann dimounn ki pe ekout mwa zordi kapav vinn kouma mwa, bien sir san ki zot atase ar lasenn.”

Zistwar Bann Zapot 5:21

Ler bann zapot tann sa, zot al dan Tanp kouma soley leve ek zot koumans ansegne. Gran pret ansam avek tou so konpagnon ti rasanble tou bann manb konsey. Zot donn lord pou al sers bann zapot dan prizon, e amenn devan zot.