Zistwar Bann Zapot 2:23 - Nouvo Testaman Kreol Morisien Harmonisation NTPS KM

²³ Dapre konesans ki Bondie ena davans, ek dapre so plan, sa zom-la finn livre dan zot lame, e zot finn touy li avek led bann move dimounn; zot finn krisifie li.

Nouvo Testaman dan Kreol Morisien

²³ Dapre konesans ki Bondie ena davans, ek dapre so plan, sa zom la finn livre dan zot lame, e zot finn touy li avek led bann move dimoun; zot finn krisifie li.

Zistwar Bann Zapot 2:23 ပူးပေါင်းရင်းမြစ်များ

Psom 76:10

Mem lakoler dimounn pou fer to laglwar pli gran, bann ki sap dan sa lakoler la pou vinn antour twa.

Mt 20:19

apre sa zot pou met li dan lame bann payin, zot pou boufonn li, fwet li, krisifie li, me lor trwaziem zour li pou resisite.”

Mt 26:24

Garson Limanite pe al mor dapre seki finn ekrir lor li, me maler pou sa dimounn ki pe trayir Garson Limanite! Pou limem vomie, li pa ti ne.”

Mt 27:35

Zot krisifie li e apre zot tir osor pou partaz so linz.

Mk 15:24

Zot koulout li lor lakrwa; zot tir lakourtpay pou partaz so bann linz ant zot, pou gete ki sakenn pou gagne.

Lk 22:22

Wi, Garson Limanite pe ale parey kouma finn dir, me maler sa dimounn ki pe livre li la.

Lk 22:37

Parski mo dir zot, fode ki seki finn ekrir lor mwa realize: ‘Finn kont li parmi bann malfeter’. Anfet seki finn ekrir lor mwa pou arive.”

Lk 23:33

Ler zot ariv landrwa ki ti apel Krann, zot koulout li lor lakrwa e zot met bann malfeter-la, enn dan so drwat ek lot-la dan so gos.

Lk 24:20

kouma bann sef pret ek nou bann dirizan finn livre li e finn kondann li amor e finn met li lor lakrwa.

Zn 19:18

Zot krisifie li lamem; ti ena de lot dimounn avek li, enn sak kote, Zezi dan milie.

Zn 19:24

Zot dir ant zot, “Pa bizin desir so rob me anou fer enn tiraz osor, seki gagne, pran li.” Tou sa la finn pase pou ki sa Parol Lekritir-la realize, ‘Zot finn partaz mo manto ant zot Zot finn fer enn tiraz osor lor mo linz.’ Ala seki bann solda finn fer.

Zistwar Bann Zapot 13:27

Bann abitan Zerizalem ek zot bann sef pa finn rekonet Zezi; letan zot finn kondann li, zot finn fer parol bann profet ki nou lir sak saba vinn vre.

Zistwar Bann Zapot 15:18

Ala seki Lesegner deklare, limem ki realiz so bann proze, ki bien kler depi touletan.’

Zistwar Bann Zapot 2:36

Tou lepep Izrael bizin kone avek lasirans: sa Zezi ki zot finn krisifie la, limem ki Bondie finn fer Segner e Mesi!”

Zistwar Bann Zapot 3:18

Dan sa fason-la Bondie finn akonpli seki li ti anonse par bann profet, ki so Mesi pou soufer.

Zistwar Bann Zapot 4:28

Koumsa, zot finn realiz seki to lame ek to plan ti deside depi koumansman.

Zistwar Bann Zapot 5:28

“Nou ti anpes zot ansegn dan sa nom-la; me ala ki zot finn ranpli Zerizalem avek zot lansegnman; e lorla zot pe rann nou responsab so lamor!”

Zistwar Bann Zapot 5:30

Bondie nou bann anset finn resisit Zezi, limem ki zot finn touye kan zot finn koulout li lor lakrwa.

Zistwar Bann Zapot 7:52

Dan tou bann profet, lekel zot gran dimounn napa finn persekite? Zot finn mem touy bann ki ti pe anonse an avans ki Lemesi pou vini. Aster-la zot ki la, ki finn trayir Lemesi ek zot finn asasinn li.

Let pou Romin 2:12

Bann ki pena lalwa Moiz ek zot fer pese, zot pou sibir pinision, me san aplikasion lalwa; bann ki konn lalwa Moiz ek fer pese, zot pou zize dapre lalwa.

Let pou Romin 4:17

Lekritir deklare: “Mo finn fer twa papa enn kantite nasion.” Li nou papa devan Bondie dan ki li finn krwar, sa Bondie ki donn lavi bann dimounn ki finn mor, e ki kree kiksoz depi nanye ditou.

1 Tes 2:15

ki ti touy Zezi ek bann profet. Zot finn osi persekit nou. Zot pa fer plezir Bondie e zot lennmi tou dimounn.

1 Pi 1:2

Dapre so plan, Bondie Papa finn swazir zot, e zot finn vinn enn pep sanktifie par so Lespri, pou obeir Zezi Kris ki finn pirifie zot par so disan. Ki lagras ek lape ranpli zot tou.

1 Pi 1:20

Bondie finn swazir li davans, avan mem kreasion lemond e li finn revel li dan sa dernie letan-la pou zot prop bien.

1 Pi 2:8

Li finn osi dir: “Li enn ros ki fer dimounn kogne, e li enn ros ki fer dimounn tonbe.” Ena ki tonbe parski zot finn dezobeir laparol, e samem ki zot merite.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.