Zistwar Bann Zapot 2:11 - Nouvo Testaman Kreol Morisien Harmonisation NTPS KM

¹¹ Kret ek Arabi; ena ki finn ne Zwif, ena ki finn konverti dan relizion Zwif, me pourtan nou tou tann zot pe rakont mervey Bondie sakenn dan nou bann langaz!”

Nouvo Testaman dan Kreol Morisien

¹¹ Kret ek Arabi; ena ki finn ne Zwif, ena ki finn konverti dan relizion Zwif - me pourtan nou tou tann zot pe rakont mervey Bondie sakenn dan nou bann langaz!”

Zistwar Bann Zapot 2:11 ပူးပေါင်းရင်းမြစ်များ

Psom 107:15

Zot tou zot bizin dir mersi LESEGNER pou so lamour infini; pou bann mirak an faver limanite.

Psom 107:21

Zot tou zot bizin dir mersi LESEGNER pou so lamour infini; pou bann mirak an faver limanite.

Psom 107:8

Zot tou zot bizin dir mersi LESEGNER pou so lamour infini; pou bann mirak an faver limanite.

Psom 111:4

Li pa les nou bliye so bann explwa extraordiner. LESEGNER ranpli ar bonte ek konpasion.

Psom 136:4

Zis li tousel ki kapav fer bann gran mirak; so lamour infini li eternel.

Psom 26:7

Mo sant sante remersiman e rakont for-for tou bann mervey ki to finn fer.

Psom 40:5

Zot vremem boukou, SEGNER, mo Bondie, bann mirak ek bann mervey ki to finn fer pou nou. Pena to segon! Mo anvi rakonte, rakonte mem, me konte fini, ankor ena mervey pou rakonte.

Psom 71:17

Depi mo zanfan to finn ansegn mwa e malgre mo laz mo kontinie rakont tou to bienfe.

Psom 77:11

Mo pou rapel bann gran explwa LESEGNER; mo pou rapel tou bann mirak to ti fer;

Psom 78:4

Nou pa pou kasiet sa nou bann zanfan; nou pou koz sa ar zenerasion ki pe vini, tou bann mervey LESEGNER, e so pouvwar, e bann aksion extraordiner ki li finn akonpli.

Psom 89:5

Bann kreatir dan lesiel sant bann mervey ki to fer; bann anz dan zot lasanble sant to fidelite, O SEGNER.

Psom 96:3

Anou anons so laglwar ar tou bann nasion; anons so bann explwa ar tou bann pep.

Zistwar Bann Zapot 2:10

Frizi e Panfili, Lezip ek rezion Sirenn dan Libi, ek ena ki vinn depi Rom,

Zistwar Bann Zapot 2:12

Zot ti telman etone e dan konfizion, ki zot ti pe dir ant zot, “Ki sa vedir, sa?”

Zistwar Bann Zapot 27:12

E akoz lepor pa ti bon pou liver, mazorite ti prefer kontigne avek lide pou pas liver Fenix, enn por ki donn lor Nor-es ek Sid-Es dan Kret.

Zistwar Bann Zapot 27:13

Kan enn divan leze sorti dan Lesid koumans soufle, zot ti panse ki zot finn gagn seki bizin pou reisi zot plan. Zot lev lank e zot pas pre ar lakot Kret.

Zistwar Bann Zapot 27:7

Nou ti vwayaz dousma-dousma pandan plizir zour. Avek boukou difikilte nou ti ariv devan Snid e parski divan pa ti permet nou avanse, nou ti navig pre ar lakot Kret, pou kasiet divan, e nou ti al lot kote kap Salmone.

1 Ko 12:10

Mem Lespri donn pouvwar fer mirak, li donn enn lot don profesi, enn lot li donn kapasite disteng ant fos lespri ek vre Lespri, e ankor pou enn lot Lespri Bondie donn kapasite koz diferan langaz ki ena bann son etranz, ek enn lot li gagn pouvwar pou interpret sa bann langaz-la.

1 Ko 12:28

Bondie finn met tou anplas dan Legliz. Premie, li finn met Zapot, deziem bann profet, trwaziem bann ki responsab pou ansegne, apre bann ki akonplir mirak, apre bann ki kapav geri malad, bann ki ed lezot, bann ki diriz travay Legliz, e bann ki koz langaz ki ena parol etranz.

Ga 1:17

mo mem pa finn mont Zerizalem kot bann ki ti zapot avan mwa, me mo ti al dan Larabi, apre mo ti retourn dan Damas.

Ga 4:25

Agar li montagn Sinai dan Larabi e li reprezant Zerizalem zordi, parski li dan lesklavaz ar so bann zanfan.

Let pou Tit 1:12

Ena enn parmi, enn zot profet, ki finn dir, “Bann Kretwa enn bann manter; zot gourman ek pares kouma bebet!”

Let pou Tit 1:5

Mo finn les twa dan Kret, pou terminn lorganizasion Legliz ek etablir bann ansien dan sak lavil. Pa bliye seki mo finn dir twa:

Eb 2:4

Bondie limem finn soutenir sa mesaz-la par bann sign extraordiner avek enn bann mirak e osi par bann don dapre volonte Lespri Sin.