Zistwar Bann Zapot 18:5 - Nouvo Testaman Kreol Morisien Harmonisation NTPS KM

⁵ Kan Silas ek Timote ti vinn depi Masedwann, Pol ti devwe tou so letan zis pou pres laparol ek dir bann Zwif ki Zezi limem Lemesi.

Nouvo Testaman dan Kreol Morisien

⁵ Kan Silas ek Timote ti vinn depi Masedwann, Pol ti devoue tou so letan zis pou pres laparol ek dir bann Zwif ki Zezi limem Lemesi.

Zistwar Bann Zapot 18:5 ပူးပေါင်းရင်းမြစ်များ

Lk 12:50

Mo bizin plonz dan enn batem e mo resanti enn gran soufrans avan ki sa arive.

Lk 16:28

parski mo ena sink frer laba. Averti zot pou ki zot osi, zot pa vinn dan sa dife-la.’

Zn 1:41

Andre finn koumans par al rod so frer Simon, e li dir li, “Nou finn trouv Lemesi,” (seki vedir Lekris).

Zn 10:24

Bann Zwif antour li e zot demann li, “Ziska kan to pou gard nou dan sispans? Dir nou enn fwa si tomem Lemesi?”

Zn 15:27

Zot osi zot pou donn zot temwaniaz parski depi koumansman zot avek mwa.”

Zn 3:28

Zot temwin ki mo finn dir ki mo pa Lekris, me Bondie finn avoy mwa avan li.

Zistwar Bann Zapot 10:42

Li finn komann nou anons Bonn Nouvel e rann temwaniaz ki limem ki Bondie finn swazire kouma ziz lor bann vivan ek bann mor.

Zistwar Bann Zapot 15:22

Lerla bann zapot avek bann ansien, e Legliz antie, ti desid pou swazir de-trwa parmi zot pou avoy Antios avek Pol ek Barnabas. Zot ti swazir Zid ki ti osi apel Barsabas, ek Silas, de dimounn ki ti bien respekte parmi bann frer.

Zistwar Bann Zapot 16:1

Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

Zistwar Bann Zapot 16:12

Depi laba nou ti al Filip, premie lavil dan distrik Masedwann, enn koloni Romin. Nou finn pas de-trwa zour dan sa lavil-la.

Zistwar Bann Zapot 16:9

Aswar Pol gagn enn vizion. Enn Masedonien ti pe dibout ek ti pe sipliye, “Vinn Masedwann pou sov nou.”

Zistwar Bann Zapot 17:3

Li explik zot e montre zot ki Lekris ti bizin soufer e resisite parmi bann mor. Li dir zot, “Sa Zezi ki mo pe anons zot la, limem Lekris.”

Zistwar Bann Zapot 18:28

Li ti prezant bann argiman solid kont bann Zwif dan deba piblik, parski li ti prouve par Lekritir ki Zezi, limem Lekris.

Zistwar Bann Zapot 2:36

Tou lepep Izrael bizin kone avek lasirans: sa Zezi ki zot finn krisifie la, limem ki Bondie finn fer Segner e Mesi!”

Zistwar Bann Zapot 20:21

Mo finn rann temwaniaz ar bann Zwif ek bann Grek ki zot bizin repanti devan Bondie e gard lafwa dan Lesegner Zezi.

Zistwar Bann Zapot 20:23

Sel kiksoz ki mo kone, seki dan sak lavil ena prizon ek persekision ki pe atann mwa.

Zistwar Bann Zapot 20:24

Pou mwa mo lavi pena okenn valer; linportans, seki mo akonplir devwar ki mo finn resevwar ar Lesegner Zezi. Li finn konfie mwa pou rann temwaniaz Bonn Nouvel ki montre lagras Bondie.

Zistwar Bann Zapot 4:20

Me nou, nou nek kapav koz zis lor seki nou finn trouve ek tande.”

Zistwar Bann Zapot 9:22

Me predikasion Sol vinn pli for ankor e li fer bann Zwif dan Damas perdi pwin letan li prouve ki Zezi limem Lemesi.

2 Ko 1:19

Zezi Kris, Garson Bondie, ki nou - momem, Silas ek Timote - nou finn anonse parmi zot, li pa finn dans-danse ant “Wi” ek “Non”; okontrer li touletan “Wi.”

2 Ko 11:9

Pandan ki mo ti kot zot e mo ti mank kiksoz, mo pa ti vinn enn fardo pou zot, parski bann frer ek bann ser ki sorti Masedwann ti donn mwa tou seki mo ti bizin. Mo finn fer ansort ki mo pa enn fardo pou zot, e mo pou kontign koumsa dan lavenir.

2 Ko 5:14

An-efe, lamour Lekris kontrol nou, parski nou ena lasirans ki ena enn sel ki finn mor pou tou lezot; savedir ki tou lezot ena enn par dan so lamor.

Let pou Filipien 1:23

Mo dan enn dilem. Mo anvi mor pou al avek Kris, seki ti pou bon pou mwa.

1 Tes 3:2

e nou finn avoy nou frer Timote, kolaborater Bondie pou anons Bonn Nouvel Zezi Kris, pou ankouraz zot pou tini ferm dan zot lafwa,

1 Tes 3:6

Me, Timote fek retourne depi kot zot avek bann bon nouvel lor zot lafwa ek zot lamour. Li finn dir nou osi ki zot pe touzour pans nou e pe anvi retrouv nou parey kouma nou osi nou anvi retrouv zot.

1 Pi 5:12

Mo pe ekrir zot sa ti let-la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.