Zistwar Bann Zapot 18:4 - Nouvo Testaman Kreol Morisien Harmonisation NTPS KM

⁴ Sak saba Pol ti pran laparol dan sinagog, li ti rod konvink bann Zwif ek bann Grek.

Nouvo Testaman dan Kreol Morisien

⁴ Sak saba Pol ti pran laparol dan sinagog, li ti rod konvink bann Zwif ek bann Grek.

Zistwar Bann Zapot 18:4 ပူးပေါင်းရင်းမြစ်များ

Lk 16:31

Abraam dir li, ‘Si zot pa ekout Moiz e bann profet, zot pa pou sanze, mem si enn mor ki finn resisite al get zot.’ ”

Lk 4:16

Li vinn Nazaret, la kot li ti grandi, e li al dan sinagog zour saba, kouma li ti abitie fer. Li dibout pou lir.

Zn 7:35

Bann Zwif dir ant zotmem, “Ki kote li pe ale pou nou pa kapav trouv li? Eski li pa pou al kot bann Zwif ki finn emigre kot bann Grek, e laba li pou ansegn bann Grek osi?

Zistwar Bann Zapot 13:14

Apre Perz zot kontign zot sime ziska Antios dan Pisidi. Zot rant dan sinagog enn zour saba e zot asize.

Zistwar Bann Zapot 14:1

Dan Ikoniem, zot rant ansam dan enn sinagog Zwif. Zot ti koz telman bien ki enn gran group Zwif ek Grek ti vinn krwayan.

Zistwar Bann Zapot 17:11

Bann Zwif Bere ti ena meyer santiman ki bann Zwif Tesalonik. Zot ti pli pare pou resevwar Bonn Nouvel ki bann-la. Toulezour zot ti pe examinn laparol pou verifie sipa seki ti pe dir la ti korek.

Zistwar Bann Zapot 17:17

Lerla, toulezour dan sinagog li ti diskit ar bann Zwif ek bann dimounn ki ador Bondie, ek osi dan bazar avek bann ki ti pas par la.

Zistwar Bann Zapot 18:13

Zot dir koumsa, “Sa zom-la pe fer bann dimounn ador Bondie dan enn manier ki kont lalwa.”

Zistwar Bann Zapot 18:19

Letan zot ariv Efez, Pol kit Akila ek Prisil, li al dan sinagog kot li koumans diskit ar bann Zwif.

Zistwar Bann Zapot 19:26

Zot pe trouve ek zot pe tande kouma sa boug ki apel Pol la finn konvink ek detourn boukou dimounn, pa selman dan Efez me dan tou Lazi. Li dir ki stati fabrike ar lame, pa Bondie sa.

Zistwar Bann Zapot 19:8

Apre sa, Pol al dan sinagog. Pandan trwa mwa Pol diskit ar bann-la e li ti rod konvink zot lor Rwayom Bondie.

Zistwar Bann Zapot 26:28

Alor lerwa Agripa dir Pol, “To krwar dan enn tigit letan koumsa to kapav fer mwa vinn enn krwayan?”

Zistwar Bann Zapot 28:23

Zot ti tom dakor lor enn dat randevou avek Pol, e zot ti vinn kot li ar boukou lot dimounn ankor. Pol ti anons zot Rwayom Bondie. Li ti servi lalwa Moiz ek liv profet pou li konvink zot lor Zezi. Li ti fer sa depi gramatin ziska tanto.

Zistwar Bann Zapot 9:20

Toutswit apre li koumans proklam Zezi dan sinagog, li dir, “Limem Garson Bondie.”

2 Ko 5:11

Parski nou bien kone ki savedir ena reverans pou Lesegner, alor nou sey konvink lezot. Bondie bien konn nou, e mo espere ki dan zot leker zot osi zot konn mwa.