Zistwar Bann Zapot 17:5 - Nouvo Testaman Kreol Morisien Harmonisation NTPS KM

⁵ Me bann Zwif ti zalou. Zot pran ar zot de-trwa taper, rasanble enn lafoul e zot fer dezord dan lavil. Zot atak lakaz Zason, zot ti pe rod tir Pol ek Silas pou amenn zot ar lafoul.

Nouvo Testaman dan Kreol Morisien

⁵ Me bann Zwif ti zalou. Zot pran ar zot detrwa taper, rasanble enn lafoul e zot fer dezord dan lavil. Zot atak lakaz Zason, zot ti pe rod tir Pol ek Silas pou amenn zot ar la foul.

Zistwar Bann Zapot 17:5 ပူးပေါင်းရင်းမြစ်များ

Psom 35:15

Me kan mwa mo kogne mo tonbe, zot bien riy mwa, dan lazwa zot rasanble kont mwa; bann vwayou ki mo mem pa rekonet maltret mwa san pitie.

Psom 69:12

Bann ki asiz dan lantre vilaz koz kont mwa, e bann soular sant sante boufon lor mwa.

Proverb 14:30

Kan to lespri trankil, to lekor bien; me kan to zalou, maladi ronz twa andan.

Mt 27:18

Pilat ti kone ki zot finn livre Zezi par zalouzi.

Zistwar Bann Zapot 13:45

Me bann Zwif ti ranpli ar zalouzi letan zot trouv sa lafoul-la. Zot insilte Pol e kontredir seki li ti pe dir.

Zistwar Bann Zapot 14:19

Bann Zwif ki ti sorti Antios ek Ikoniem ti vinn laba. Zot finn gagn konfians bann dimounn-la. Zot finn flank Pol kout ros, e letan zot finn krwar ki li finn mor, zot finn trenn li deor lavil.

Zistwar Bann Zapot 14:2

Me bann Zwif ki ti refiz krwar ti mont latet bann non-Zwif kont bann frer.

Zistwar Bann Zapot 17:13

Kan bann Zwif Tesalonik ti aprann ki Pol ti pe anons laparol dan Bere osi, zot al laba pou met dezord parmi lepep.

Zistwar Bann Zapot 17:6

Letan zot pa trouv bann-la, zot pran Zason ek de-trwa frer e trenn zot devan mazistra lavil. Zot kriye, “Sa bann dimounn ki ti pe devir lemond anba-lao la, zot finn vinn isi osi!

Zistwar Bann Zapot 17:7

E Zason finn resevwar zot! Zot pa pe swiv lalwa Sezar, zot dir ena enn lot lerwa ki apel Zezi.”

Zistwar Bann Zapot 17:9

Zot dimann enn kosion ar Zason ek lezot, lerla ti les zot ale.

Zistwar Bann Zapot 18:12

Me kan Galyon ti gouverner Akai bann Zwif ti marye-pike kont Pol ek zot ti amenn li devan lakour.

Zistwar Bann Zapot 19:40

Kouma sa pe deroule la, ena risk vinn akiz nou ki nou finn fer enn dezord akoz tou seki finn pase zordi. Nou pena okenn rezon ki zistifie sa atroupman-la.”

Zistwar Bann Zapot 7:9

Bann patriars ki ti zalou Zozef ti vann li kouma enn esklav dan pei Lezip,

Let pou Romin 16:21

Timote, ki travay ansam ar mwa, avoy zot so salitasion; Lisyis osi, ansam ar Zason e Sosipater, mo bann fami.

1 Ko 3:3

Zot ankor viv kouma dimounn dan lemond. Kan ena zalouzi ek rivalite ant zot, eski zot pa pe konport zot kouma bann dimounn ki dan lemond? Eski zot pa pe mars dapre tandans imin?

2 Ko 11:26

Dan mo bann vwayaz mo finn pas par danze larivier deborde, danze bann brigan, danze mo prop pep, ek bann non-Zwif, danze dan lavil, danze dan dezer, danze parmi bann fos kamarad.

Ga 5:21

lanvi, soulezon, fiesta, ek tou sort kalite lezot move aksion. Mo averti zot parey kouma mo finn fer li avan, tou bann dimounn ki pratik sa bann kiksoz-la, zot pa pou erit Rwayom Bondie.

Ga 5:26

Anou pa fer vantar, nou pa dispit avek kamarad, nou pa zalou kamarad.

1 Tes 1:6

Zot finn imit nou ek Lesegner, malgre tou bann persekision, e zot finn resevwar laparol avek lazwa par Lespri Sin.

Let Zak 4:5

Eski zot panse ki pou nanye Lekritir dir, “Bondie dezir avek zalouzi lespri ki li finn met dan nou”?