Zistwar Bann Zapot 16:5 - Nouvo Testaman Kreol Morisien Harmonisation NTPS KM

⁵ Bann Legliz ti pe vinn pli for dan lafwa e zot kantite ti pe ogmante zour apre zour.

Nouvo Testaman dan Kreol Morisien

⁵ Bann legliz ti pe vinn pli for dan lafwa e zot kantite ti pe ogmante zour apre zour.

Zistwar Bann Zapot 16:5 ပူးပေါင်းရင်းမြစ်များ

Zistwar Bann Zapot 11:21

Lame Bondie ti lor zot ek enn kantite ti krwar e ti tourn ver Lesegner.

Zistwar Bann Zapot 12:24

Me Parol Bondie ti kontign repann ek miltipliye.

Zistwar Bann Zapot 15:41

Li ti al Lasiri ek Sisil pou fortifie bann Legliz.

Zistwar Bann Zapot 2:47

Zot ti loue Bondie e ti gagn lestim tou bann dimounn. Toulezour Lesegner ti pe sov dimounn ki li ti pe azout dan zot group.

Zistwar Bann Zapot 4:4

Boukou ki ti tann laparol ti krwar, e ti ena anviron sink mil dimounn.

Zistwar Bann Zapot 5:14

Plis letan pase, enn lafoul dimounn, zom ek fam, ti pe krwar e ti pe swiv Lesegner.

Zistwar Bann Zapot 6:7

Parol Bondie ti pe kontign repann; nonb disip ti ogmante dan Zerizalem, e mem enn lafoul pret ti aksepte lafwa.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

Let pou Romin 16:25

Anou loue Bondie! Li ena pouvwar fortifie zot dan lafwa, dapre Bonn Nouvel ki mo anonse letan mo proklam Zezi Kris, e dapre revelasion enn mister ki ti gard kasiet depi koumansman letan,

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

Ga 5:1

Kris finn liber nou pou ki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

Let pou Kolosien 2:6

Kontign viv zot lavi dapre seki finn transmet zot lor Lekris Zezi Lesegner,

1 Tes 3:13

E ki li fortifie zot leker, e fer li vinn sin pou ki zot kapav dibout san repros devan Bondie nou Papa ler nou Segner Zezi retourne avek tou bann sin. Amen.

1 Tes 3:2

e nou finn avoy nou frer Timote, kolaborater Bondie pou anons Bonn Nouvel Zezi Kris, pou ankouraz zot pou tini ferm dan zot lafwa,

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

Eb 13:9

Pa les toutsort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman-la pa finn tir okenn benefis ladan.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.