Zistwar Bann Zapot 16:14 - Nouvo Testaman Kreol Morisien Harmonisation NTPS KM

¹⁴ Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

Nouvo Testaman dan Kreol Morisien

¹⁴ Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

Zistwar Bann Zapot 16:14 ပူးပေါင်းရင်းမြစ်များ

Psom 110:3

Kan ou desid pou dres kont ou lennmi ou pep pou dibout pou soutenir ou konba. Parey kouma laroze gramatin bann zenes pou vinn ver ou lor montagn sakre.

Lk 24:45

Lerla li ouver zot lintelizans pou ki zot konpran Lekritir.

Zn 12:20

Ti ena de-trwa Grek ki finn mont Zerizalem pou priye pou fet Pak.

Zistwar Bann Zapot 10:2

Li ti bien relizie; li ansam ar tou so fami ti ador Bondie. Li ti bien ed bann pov e touletan li ti priye Bondie.

Zistwar Bann Zapot 11:21

Lame Bondie ti lor zot ek enn kantite ti krwar e ti tourn ver Lesegner.

Zistwar Bann Zapot 13:43

Ler renion termine, enn kantite Zwif ek bann konverti Zwif ti swiv Pol ek Barnabas. Sa de-la ti koz ar zot e ti exort zot res fidel ar lagras Bondie.

Zistwar Bann Zapot 13:50

Me bann Zwif ti mont latet bann madam ki ti inportan dan sosiete e ki ador Bondie e osi bann gran dirizan zom lavil. Zot ti provok enn persekision kont Pol ek Barnabas, e ti pous zot depi sa rezion-la.

Zistwar Bann Zapot 16:40

Apre ki Pol ek Silas ti finn sorti prizon zot ti al dan lakaz Lidia kot zot finn zwenn bann frer ek ser, e zot finn ankouraz bann-la. Apre sa zot ti ale.

Zistwar Bann Zapot 18:7

Lerla Pol kit sinagog e li al kot Tityis Zistis enn dimounn ki ti ador Bondie, ki so lakaz ti akote sinagog.

Zistwar Bann Zapot 8:27

Li leve, li ale. Lor so sime ti ena enn gran ofisie Etiopien ki ti ansarz trezor larenn Kandas; li ti vinn Zerizalem pou ador Bondie.

Let pou Romin 9:16

Alor sa pa depann lor volonte dimounn ni lor so zefor me zis lor mizerikord Bondie.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Revelasion 1:11

Li ti pe dir, “Ekrir dan enn liv seki to pe trouve e avoy liv-la kot sa set Legliz dan Efez, Smirn, Pergam, Tiatir, Sard, Filadelfi ek Laodise.”

Revelasion 3:20

Ekoute, mo devan laport, mo pe tape, si kikenn tann mo lavwa e ouver laport, mo pou rant kot li e manz avek li, e li pou manz avek mwa.

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: