Zistwar Bann Zapot 11:19 - Nouvo Testaman Kreol Morisien Harmonisation NTPS KM

¹⁹ Bann ki ti disperse akoz persekision ki ti koumanse par lamor Etienn ti al ziska Fenisi, Sip ek Antios. Zot ti pe partaz laparol zis ar bann Zwif.

Nouvo Testaman dan Kreol Morisien

¹⁹ Bann ki ti disperse akoz persekision ki ti koumanse par lamor Etienn ti al ziska Fenisi, Sip ek Antios. Zot ti pe partaz laparol zis ar bann Zwif.

Zistwar Bann Zapot 11:19 ပူးပေါင်းရင်းမြစ်များ

Mt 10:6

al plito kot bann brebi perdi dan Izrael.

Zn 7:35

Bann Zwif dir ant zotmem, “Ki kote li pe ale pou nou pa kapav trouv li? Eski li pa pou al kot bann Zwif ki finn emigre kot bann Grek, e laba li pou ansegn bann Grek osi?

Zistwar Bann Zapot 11:20

Me ti ena parmi zot ki ti sorti Sip ek Sirenn. Kan zot ti vinn Antios zot finn koz ar bann Grek pou anons zot Bonn Nouvel lor Zezi Kris.

Zistwar Bann Zapot 11:22

Sa nouvel-la ti ariv dan zorey bann ki ti dan Legliz Zerizalem. Lerla zot avoy Barnabas Antios.

Zistwar Bann Zapot 13:1

Dan Legliz Antios ti ena bann profet ek profeser kouma Barnabas, Simeon ki ti apel Nizer, Lisyis ki sorti Sirenn, Manaen ki ti grandi ansam ar Erod, ek Sol.

Zistwar Bann Zapot 13:4

Sa de-la, ki Lespri Sin ti avoye, ti al Selesi e depi laba zot ti pran bato pou al Sip.

Zistwar Bann Zapot 13:46

Lerla, avek boukou kouraz, Pol ek Barnabas dir bann-la, “Li ti neseser ki anons Parol Bondie ar zot premie dabor. Me akoz zot finn repous li e zot pa konsider zot dign lavi eternel, abe aster-la nou pou al kot bann non-Zwif.

Zistwar Bann Zapot 14:26

Depi Atalia zot ti pran bato pou retourn Antios, lamem kot ti konfie zot dan lagras Bondie pou travay ki aster-la zot inn reisi akonplir.

Zistwar Bann Zapot 15:22

Lerla bann zapot avek bann ansien, e Legliz antie, ti desid pou swazir de-trwa parmi zot pou avoy Antios avek Pol ek Barnabas. Zot ti swazir Zid ki ti osi apel Barsabas, ek Silas, de dimounn ki ti bien respekte parmi bann frer.

Zistwar Bann Zapot 15:3

Apre ki Legliz finn ed zot pou zot vwayaz, zot ti travers Fenisi ek Samari, pou vizit bann krwayan; zot ti rakonte kouma bann payin finn krwar dan Lesegner. Sa nouvel-la ti amenn boukou lazwa parmi bann frer.

Zistwar Bann Zapot 15:30

Lerla delegasion-la ti kit bann frer e ti al Antios, kot zot ti zwenn tou Legliz ansam e zot ti donn let-la.

Zistwar Bann Zapot 15:35

Me Pol ek Barnabas ti res Antios. Ansam ar boukou lezot, zot ti pe ansegn ek pres Parol Bondie.

Zistwar Bann Zapot 15:39

Pol ek Barnabas ti gagn enn gran diskision e zot finn separe. Barnabas ti pran Mark ar li ek zot ti al Sip.

Zistwar Bann Zapot 18:22

Letan li ti ariv Sezare, li ti monte pou al Zerizalem pou salie bann manb Legliz, avan ki li al Antios.

Zistwar Bann Zapot 21:16

De-trwa disip depi Sezare ti akonpagn nou, e ti amenn nou kot Mnason ki sorti Sip, enn bann premie disip, kot limem nou ti pou reste.

Zistwar Bann Zapot 21:2

Letan nou gagn bato ki pe al Fenisi, nou mont abor e nou ale.

Zistwar Bann Zapot 3:26

Bondie finn avoy so serviter, pou zot dabor, pou beni zot e fer zot sanz zot bann move manier.”

Zistwar Bann Zapot 4:36

Zozef ti enn Levit ki ti ne an Sip, bann zapot ti donn li enn nom gate Barnabas, ki vedir ‘Garson ki ankouraz lezot.’

Zistwar Bann Zapot 6:5

Sa parol-la ti fer kominote-la plezir. Zot ti swazir Etienn ki ti ranpli avek lafwa ek Lespri Sin, ansam avek Filip, Prokor, Nikanor, Timon, Parmenas, ek Nikola ki ti sorti Antios, ki lontan ti konverti pou vinn enn Zwif.

Ga 2:11

Me ler Pier retourn Antios, mo ti opoz li an piblik parski li ti dan lerer.