Zistwar Bann Zapot 10:36 - Nouvo Testaman Kreol Morisien Harmonisation NTPS KM

³⁶ Zot konn mesaz ki li finn avoy lepep Izrael, enn Bonn Nouvel ki ena lape par Zezi Kris ki Lesegner tou dimounn.

Nouvo Testaman dan Kreol Morisien

³⁶ Zot konn mesaz ki li finn avoy lepep Izrael, enn Bonn Nouvel ki ena lape par Zezi Kris ki Lesegner tou dimoun.

Zistwar Bann Zapot 10:36 ပူးပေါင်းရင်းမြစ်များ

Psom 45:11

Lerwa atire par ou bote; akoz li ou segner, rann li loner e obeir li.

Psom 45:6

Rwayom ki Bondie finn donn ou li pou regne pou touletan. Ou diriz ou pep dan lazistis;

Psom 72:7

Ed li pou ki drwatir fleri pandan so regn e ki ena prosperite tanki lalinn eklere.

Mt 10:6

al plito kot bann brebi perdi dan Izrael.

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

Mt 28:18

Zezi vinn pre ar zot e dir zot, “Finn donn mwa tou pouvwar dan lesiel ek lor later,

Lk 1:79

Li pou ekler bann seki dan teneb ek dan lonbraz lamor. Li pou gid nou pa lor sime lape.”

Lk 24:47

e bizin proklam Parol Bondie lor so nom, repantans e pardon bann pese devan tou bann nasion depi Zerizalem.

Zistwar Bann Zapot 10:37

Zot kone ki finn arive premie dabor dan Galile, ek answit partou dan Zide, apre batem ki Zan ti anonse.

Zistwar Bann Zapot 11:19

Bann ki ti disperse akoz persekision ki ti koumanse par lamor Etienn ti al ziska Fenisi, Sip ek Antios. Zot ti pe partaz laparol zis ar bann Zwif.

Zistwar Bann Zapot 13:32

E nou, nou pe anons zot sa Bonn Nouvel ki Bondie limem ti promet nou bann anset.

Zistwar Bann Zapot 13:46

Lerla, avek boukou kouraz, Pol ek Barnabas dir bann-la, “Li ti neseser ki anons Parol Bondie ar zot premie dabor. Me akoz zot finn repous li e zot pa konsider zot dign lavi eternel, abe aster-la nou pou al kot bann non-Zwif.

Zistwar Bann Zapot 2:36

Tou lepep Izrael bizin kone avek lasirans: sa Zezi ki zot finn krisifie la, limem ki Bondie finn fer Segner e Mesi!”

Zistwar Bann Zapot 5:31

Bondie, par so pwisans, finn lev li lao kouma Sef ek Sover pou ki li donn Izrael lokazion repanti, e ki li pardonn zot pese.

Let pou Romin 14:9

Lekris finn mor e li finn resisite pou ki li vinn Lesegner bann vivan ek bann ki finn mor.

Let pou Romin 5:1

Aster-la ki nou finn zistifie par lafwa, nou ena lape avek Bondie atraver nou Segner Zezi Kris.

1 Ko 15:27

Lekritir dir, “Li finn met tou kiksoz anba so lipie.” Kan li dir li finn met “tou” anba so lipie, li kler ki Bondie pa ladan, parski Bondie limem ki finn met tou anba Lekris.

1 Ko 15:47

Premie Adam ti sorti depi lapousier later. Deziem Adam sorti depi lesiel.

Let pou Filipien 2:11

e tou dimounn pou proklam ki Zezi Kris limem Segner, pou laglwar Bondie Papa.

Let pou Kolosien 1:20

e rekonsilie tou par li e pou li, lor later ek dan lesiel, letan li finn etablir lape par disan so lakrwa.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kree lemond.

Eb 13:20

Bondie, lasours lape, finn resisit nou Segner Zezi, gran Berze bann mouton, ki finn vers so disan ki garanti enn lalians eternel.

1 Pi 3:22

ki finn al dan lesiel e dan kote drwat Bondie, la kot li pe regne lor bann anz ek lezot pwisans ek lotorite lesiel.

Revelasion 1:18

momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Revelasion 17:14

Zot pou konbat kont Agno me Agno pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 19:16

Lor so linz ek lor so lazam ena enn nom ki finn ekrir: “Lerwa bann lerwa, Segner bann segner.”