Zistwar Bann Zapot 10:22 - Nouvo Testaman Kreol Morisien Harmonisation NTPS KM

²² Zot reponn li, “Kapitenn Korney ki finn avoy nou isi. Li enn dimounn drwat ki ena bel respe pou Bondie, e bann Zwif bien estim li. Enn anz Bondie ki finn dir li invit twa dan so lakaz pou li ekout seki to ena pou dir.”

Nouvo Testaman dan Kreol Morisien

²² Zot reponn li, “Kapitenn Korney ki finn avoy nou isi. Li enn dimoun drwat ki ena bel respe pou Bondie, e bann Zwif bien estim li. Enn anz Bondie ki finn dir li invit twa dan so lakaz pou li ekout seki to ena pou dir.”

Zistwar Bann Zapot 10:22 ပူးပေါင်းရင်းမြစ်များ

Mt 1:19

So fiyanse, Zozef ti enn zom drwat. Li pa ti anvi fer Marie perdi loner devan dimounn, alor li desid divorse san ki personn kone.

Mt 2:12

me dan enn rev Bondie ti averti zot pa retourn kot Erod; zot pran enn lot sime pou retourn dan zot pei.

Mk 6:20

parski Erod ti per Zan. Li ti kone Zan ti enn dimounn drwat e sin. Erod ti pe protez li; sak fwa kan Erod ti tann li koze, li ti anbarase me selman li ti kontan ekout li.

Mk 8:38

Si kikenn, dan sa zenerasion adilter ek peser-la, gagn onte akoz mwa ek mo parol, Garson Limanite, li osi pou ont li, kan li pou vinn dan laglwar so Papa ek bann anz ki sin.”

Lk 2:25

Dan Zerizalem ti ena enn dimounn apel Simeon. Li ti viv enn lavi bien drwat, li ti devwe pou Bondie e li ti pe atann seki pou vinn sov Izrael. Lespri Sin ti ar li.

Lk 23:50

Ti ena enn dimounn ki ti apel Zozef ki ti sorti Arimate, enn lavil Zwif. Li ti bon ek bien drwat e li ti enn manb Gran Tribinal bann Zwif. Li pa ti dakor ar zot desizion e zot aksion, e li ti pe atann Rwayom Bondie.

Lk 9:26

Seki gagn onte akoz mwa ek akoz mo parol, Garson Limanite pou ont li, kan li pou vinn dan so laglwar, dan laglwar so Papa ek bann anz ki sin.

Zn 13:20

Vremem, laverite mo dir zot, seki resevwar dimounn mo avoye, pe resevwar mwa e seki resevwar mwa, pe resevwar Sa-Enn ki finn avoy mwa la.”

Zn 17:20

Mo pa priye zis pou zot me mo priye pou tou seki pou krwar dan mwa, par parol ki mo disip pou anonse.

Zn 17:8

Mo finn donn zot Parol ki to finn konfie mwa, e zot finn resevwar li. Zot finn rekonet ki vremem mo finn sorti kot twa, e zot krwar ki to finn avoy mwa.

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 6:63

Lespri donn lavi me lekor pa vo gran soz; parol ki mo finn prononse, samem Lespri, samem lavi.

Zn 6:68

Simon Pier reponn, “Segner, kot nou pou ale? Tomem ki ena Parol lavi eternel.

Zistwar Bann Zapot 10:2

Li ti bien relizie; li ansam ar tou so fami ti ador Bondie. Li ti bien ed bann pov e touletan li ti priye Bondie.

Zistwar Bann Zapot 10:21

Pier desann e li dir bann-la, “Momem ki zot pe rode. Kifer zot finn vinn isi?”

Zistwar Bann Zapot 10:30

Korney reponn, “Ena trwa zour letan mo ti dan mo lakaz mo pe priye, apepre sa ler-la mem, trwa-z-er lapremidi, enn sel kout enn dimounn avek enn linz bien briyan, paret devan mwa.

Zistwar Bann Zapot 10:33

Alor mo finn fer apel twa toutswit, e to finn vremem bon pou aksepte vini. Nou tou la, dan prezans Bondie pou ekout seki Bondie finn komann twa pou dir nou.”

Zistwar Bann Zapot 10:6

Li pe res kot Simon, enn zouvriye ki travay lapo e ki res dan bor lamer.”

Zistwar Bann Zapot 11:14

Li pou donn twa enn mesaz ki pou sov twa ek to fami.’

Zistwar Bann Zapot 22:12

La ti ena enn nome Ananias, ki ti bien devwe, bien fidel pou gard lalwa, ki ti ena estim tou bann Zwif Damas.

Zistwar Bann Zapot 24:15

Parey kouma bann-la, mwa osi mo ena mem lesperans dan Bondie ki pou ena rezireksion bann move kouma bann bon.

Zistwar Bann Zapot 6:3

Alors, bann frer, swazir set zom parmi zot ki ena bon repitasion, ki ranpli avek Lespri Sin ek sazes pou fer sa travay-la.

Let pou Romin 1:17

Bonn Nouvel revel kouma Bondie amenn drwatir. Zis lafwa tousel ki fer sa, depi koumansman ziska lafin, parey kouma Lekritir deklare, “Dimounn ki drwat pou viv par lafwa.”

2 Ko 5:18

Tousala travay Bondie, ki rekonsilie nou ar limem par Lekris, e li finn donn nou sa minister rekonsiliasion la.

1 Tim 3:7

Bizin ki dimounn andeor ena boukou lestim pou li, pou ki li pa tom dan laont e anmemtan pa may dan lak diab.

Eb 10:38

Me dimounn ki pou krwar dan mwa pou viv par lafwa, me si li derape, mo pa pou satisfe ar li.

Eb 11:2

Akoz zot lafwa, Bondie ti aprouv bann gran dimounn lontan.

Eb 12:23

Zot finn apros enn lasanble bann premie-ne Bondie, ki ti finn anrezistre dan lesiel. Zot finn apros Bondie ki ziz tou dimounn, e lespri bann zis ki finn vinn parfe.

2 Pi 3:2

Zot bizin rapel bann parol ki bann sin profet ti dir, e komannman ki Lesegner ek Sover ti koze atraver bann Zapot.

3 Zn 1:12

Tou dimounn ti koz bon koze lor Demetreyis. Laverite osi ti rann temwaniaz dan so faver. Nou osi, nou temwagn dan so faver, e to kone ki sa temwaniaz-la li vre.

Revelasion 14:10

zot osi pou bwar divin lakoler Bondie ki pou verse, san fer okenn melanz, dan koup lakoler Bondie. Zot pou tourmante avek dife ek souf dan prezans bann anz sin ek Agno.