Revelasion 9:18 - Nouvo Testaman Kreol Morisien Harmonisation NTPS KM

¹⁸ Enn tier limanite ti mor avek sa trwa fleo-la: dife, lafime ek souf ki sorti dan lagel bann seval.

Nouvo Testaman dan Kreol Morisien

¹⁸ Enn tier limanite ti mor avek sa trwa fleo la; dife, lafime ek souf ki sorti dan lagel bann seval.

Revelasion 9:18 ပူးပေါင်းရင်းမြစ်များ

Revelasion 8:10

Trwaziem anz-la soufle so tronpet e enn gro zetwal ti tom depi lesiel. Zetwal-la brile koumadir enn tors e li tom lor enn tier bann larivier ek lor lasours delo.

Revelasion 8:11

Zetwal-la ti apel Absint. Enn tier delo ti vinn amer e boukou dimounn ti mor akoz delo-la ti telman amer.

Revelasion 8:12

Katriem anz-la ti soufle so tronpet e enn tier soley, lalinn ek bann zetwal ti afekte. Zot ti vinn som e lanwit kouma lizour ti perdi enn tier so klarte.

Revelasion 8:7

Premie anz-la ti soufle so tronpet, lerla lagrel ek dife melanze avek disan ti tom lor later. Enn tier lemond ti brile, enn tier bann zarb ti brile e enn tier lerb ver ti brile.

Revelasion 8:8

Deziem anz-la soufle so tronpet. Enn zafer koumadir enn montagn dife ti tom dan lamer,

Revelasion 8:9

e enn tier lamer vinn disan, enn tier bann kreatir vivan dan lamer mor, e enn tier bann bato ti detrir.

Revelasion 9:15

Alor, kat anz-la finn libere. Zot ti finn fini pare pou ler, zour, mwa ek lane pou touy enn tier limanite.

Revelasion 9:17

Ala kouma mo ti trouv zot dan mo vizion: bann solda ti met kwiras kouler dife, ble safir ek zonn souf; latet bann seval-la parey kouma latet lion e dan zot lagel dife, lafime ek souf ti pe sorti.

Revelasion 9:19

Pouvwar bann seval-la sorti dan zot lagel ek dan zot lake; zot lake parey kouma serpan, zot ti ena latet ki zot ti servi pou bles lezot.