Revelasion 6:10 - Nouvo Testaman Kreol Morisien Harmonisation NTPS KM

¹⁰ Zot ti kriye bien for, “Segner tomem Met ki sin ek veritab. Komie letan li pou pran pou ziz bann abitan later e pran to revanz pou nou disan ki finn verse?”

Nouvo Testaman dan Kreol Morisien

¹⁰ Zot ti kriye bien for, “Segner tomem Met ki sin ek veritab. Komie letan li pou pran pou ziz bann abitan later e pran to revans pou nou disan ki finn verse?”

Revelasion 6:10 ပူးပေါင်းရင်းမြစ်များ

Psom 119:84

Komie letan mo pou bizin atann? Kan to pou pini bann ki persekit mwa?

Psom 13:1

SEGNER, komie letan ankor to pou bliye mwa? Pou touzour? Komie letan ankor to pou tourn ledo ar mwa?

Psom 35:17

Komie letan ankor to pou les zot fer mwa mizer? Defann mwa e sov mo lavi; aras mo lavi dan grif lion.

Psom 79:10

Pa les bann lezot nasion dir, “Kot zot Bondie ete?” Fer bann nasion kone, divan nou lizie, kouma to vanz disan to bann serviter fidel.

Psom 9:12

Bondie ki galoup deryer bann asasin, li rapel zot viktim; li pa bliye lavwa ki exprim soufrans bann malere.

Lk 2:29

“Aster-la, Segner, les to serviter ale dan lape kouma to ti dir.

Lk 21:22

Parski samem bann zour zizman, e tou seki deklare dan lekritir pou realize.

Let pou Romin 12:19

Mo bann kamarad, pa rod tir vanzans zotmem, me les Bondie regle sa dan so zizman, kouma Lekritir dir: “Mwa ki pou tir vanzans, mwa ki pou regle kont.”

Eb 12:24

Zot finn apros Zezi ki mediater nouvo lalians, zot finn apros so disan ki finn verse e ki meyer ki disan Abel.

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou amenn bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

Revelasion 11:18

Bann nasion ti araze, me aster-la to lakoler ki pe manifeste, enn moman zizman pou bann mor, enn moman rekonpans pou bann profet ki servi twa, pep ki konsakre pou twa, e tou bann ki respekte to nom, so gran kouma so tipti, e pou detrir bann ki detrir later.”

Revelasion 18:20

Lesiel, to bizin kontan seki pe arive! Zot osi, pep Bondie, bann zapot ek profet! Parski Bondie finn ziz li pou dimal ki li ti fer zot.”

Revelasion 18:24

Anplis kot tomem ki ti trouv disan bann profet, lepep Bondie ek tou bann ki ti masakre lor later.”

Revelasion 19:2

So zizman vre ek zis, li finn ziz sa gran prostitie, ki finn sali later avek so bann konportman imoral. Li finn vanz kont li akoz disan so bann serviter.”

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: