Revelasion 5:9 - Nouvo Testaman Kreol Morisien Harmonisation NTPS KM

⁹ Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.

Nouvo Testaman dan Kreol Morisien

⁹ Zot sant enn nouvo kantik: “To merit pran liv la e kas so bann sele parski zot finn touy twa, e avek to disan, to finn raste pou Bondie, dimoun tousort tribi, langaz, pei ek nasion.

Revelasion 5:9 ပူးပေါင်းရင်းမြစ်များ

Psom 144:9

Mo pou sant enn nouvo sante pou twa, O Bondie; mo pou akonpagn mo sante ar sitar pou zwe pou twa,

Psom 149:1

Alelouya! Sant enn nouvo sante pou selebre LESEGNER; Sant so laglwar dan lasanble so pep fidel.

Psom 33:3

Sant sante ki zorey pa finn ankor tande; zwe bann instriman ar talan e kriy zot lazwa.

Psom 40:3

Li ti montre mwa enn nouvo sante; montre mwa sant louanz Bondie. Boukou pou konpran, pou montre respe, e pou met zot konfians dan LESEGNER.

Psom 96:1

Anou sant enn nouvo sante pou LESEGNER! Tou kreatir dan liniver, sant laglwar LESEGNER!

Psom 98:1

Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti vinker.

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Mt 26:28

parski samem mo disan, disan lalians ki mo verse pou tou dimounn e pou ki zot pese pardone.

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

1 Ko 6:20

finn pey enn gro pri pou aste zot. Alor rann glwar Bondie avek zot lekor.

1 Ko 7:23

Finn pey enn gro pri pou aste twa, alors pa vinn esklav bann zom.

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Ef 5:19

Ankouraz zot kamarad par Psom, kantik ek sante spiritiel. Sante ek selebre Lesegner ar tou zot leker.

Let pou Kolosien 1:14

li finn delivre nou e li finn pardonn nou pese.

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 11:14

Dimounn ki ti koz koumsa montre ki zot ti pe ankor rod enn pei pou zot etabli.

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou amenn bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemond antie.

Revelasion 10:11

Lerla ti dir mwa, “To pou bizin profetiz ankor ar boukou bann lepep ek nasion, langaz ek lerwa.”

Revelasion 11:9

Dimounn sorti dan boukou pei, kot boukou nasion, tribi ek langaz pou get sa bann lekor mor la pandan trwa zour edmi e pou refiz met zot dan tom.

Revelasion 13:7

Li ti osi ena drwa fer lager ar lepep Bondie e gagn laviktwar lor zot. Li ti osi ena lotorite lor tou tribi, pep, langaz ek nasion.

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.

Revelasion 14:6

Apre mo ti trouv enn lot anz ki pe anvole bien ot. Li ti ena enn mesaz Bonn Nouvel eternel pou proklam ar tou bann ki vivan lor later ek tou bann nasion, tribi, langaz ek pep.

Revelasion 15:3

E zot ti sant kantik Moiz, serviter Bondie ek kantik Agno: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

Revelasion 17:15

Anz-la dir mwa, “Sa bann delo ki to trouve la, kot fam prostitie asize, samem bann pep, bann lafoul dimounn, bann nasion ek bann langaz.

Revelasion 4:11

“Segner Bondie, to merit resevwar laglwar, ek loner ek pwisans parski tomem ki finn kree tou kitsoz, to ti anvi ki zot existe alor zot finn vinn realite.”

Revelasion 5:12

Zot ti pe dir bien for. “Agno imole, to dign pou resevwar pouvwar, rises, lasazes ek lafors, loner, laglwar ek louanz!”

Revelasion 5:6

Lerla mo trouv enn Agno pe deboute ant tronn ek kat kreatir vivan la. Li ti parmi bann ansien, koumadir finn sakrifie li. Li ti ena set korn ek set lizie, ki ti set lespri Bondie ki ti finn anvwaye partou lor later.