Revelasion 4:8 - Nouvo Testaman Kreol Morisien Harmonisation NTPS KM

⁸ Sakenn sa kat kreatir vivan la ti ena sis lezel ranpli ar lizie andan ek otour li. Lanwit lizour, zot zame aret sante: “Sin, sin, sin limem Lesegner Bondie Toupwisan ki ti existe, ankor pe existe ek ki pe vini.”

Nouvo Testaman dan Kreol Morisien

⁸ Sakenn sa kat kreatir vivan la ti ena sis lezel ranpli ar lizie andan ek otour li. Lanwit lizour, zot zame aret sante: “Sin, sin, sin limem Lesegner Bondie Toupwisan ki ti existe, ankor pe existe ek ki pe vini.”

Revelasion 4:8 ပူးပေါင်းရင်းမြစ်များ

Psom 91:1

Ninport kisann-la ki ena proteksion Bondie Pli Lao, ninport kisann-la ki res dan lonbraz Bondie Toupwisan,

Zistwar Bann Zapot 20:31

Alors, pran kont! Rapel ki pandan trwa-z-an mo pa finn aret averti zot lanwit-lizour, mo finn plore pou zot tou.

2 Ko 6:18

Momem, mo pou enn Papa pou zot, e zot, zot pou mo garson, zot pou mo tifi.”

1 Tes 2:9

Frer ek ser, zot rapel nou lapenn ek nou travay. Nou finn trime lanwit-lizour pou ki nou pa enn fardo pou zot letan ki nou pe anons zot Bonn Nouvel Bondie.

1 Tim 4:16

Vey lor twa ek lansegnman ki to done. Persevere. Koumsa mem to pou sov tomem anmemtan ki to sov bann ki ekout twa.

2 Tim 4:2

proklam laparol, insiste touletan pou konvink. Fer repros ou donn lankourazman ki bizin kan to donn lansegnman. Pa perdi pasians.

Eb 13:8

Zezi Kris, li parey yer, zordi ek pou touzour.

Revelasion 1:4

Ala mesaz ki Zan pe avoy set Legliz dan provins Lazi: Lagras ek lape Bondie ki existe, ki ti existe e ki pou vini; mesaz sorti osi kot sa set lespri devan tronn,

Revelasion 1:8

“Mo mem Alfa ek Omega,” deklar Lesegner Bondie ki existe, ki ti existe e ki pou vini.

Revelasion 11:17

Zot dir, “Nou rann twa gras Segner Bondie pli pwisan ki tou, twa ki existe e ki ti existe, parski to finn servi to gran pouvwar e koumans regne.

Revelasion 14:11

Lafime zot tourman mont lao pou touzour. Pena repo, ni lizour, ni lanwit pou bann ki ador bebet ek so zimaz e tou seki finn resevwar mark so nom.”

Revelasion 14:3

Zot ti pe sant enn kantik nouvo devan tronn e devan sa kat kreatir-la ek devan bann ansien. Personn pa ti kapav aprann sa kantik-la exsepte sa san karann-kat mil ki ti finn sove la.

Revelasion 15:3

E zot ti sant kantik Moiz, serviter Bondie ek kantik Agno: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

Revelasion 15:7

Enn parmi sa kat kreatir vivan la donn sa set anz-la set koup an-or plin ar lakoler Bondie, ki viv pou touzour.

Revelasion 16:14

Sa ti bann lespri demon ki fer bann mirak. Zot al rod bann lerwa lemond antie, pou rasanble zot pou lager kan gran zour Bondie Toupwisan arive.

Revelasion 16:7

Apre sa, mo tann enn lavwa sorti kot lotel ki dir, “Wi, Segner Bondie Toupwisan, to bann zizman, zot vre ek zis.”

Revelasion 19:15

Enn lepe transan sorti dan so labous e tap bann nasion. Li pou diriz zot avek enn baton lasie; li pou kraz rezin dan preswar kot divin lakoler Bondie Toupwisan pe bouyone.

Revelasion 19:4

Sa vennkat ansien ek kat kreatir vivan la tom azenou pou ador Bondie ki pe asiz lor tronn. Zot dir; “Amen Alelouya!”

Revelasion 21:22

E mo pa ti trouv okenn tanp dan lavil-la parski tanp lavil ti Lesegner Bondie Toupwisan ek Agno.

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver:

Revelasion 4:4

Otour tronn-la ena vennkat tronn avek vennkat ansien ki asize lor la. Zot ti finn abiye an blan e zot ti ena enn kouronn an-or lor zot latet.

Revelasion 4:6

Devan tronn-la ti ena koumadir enn lamer transparan parey kouma kristal. Omilie ek otour tronn-la ti ena kat kreatir vivan avek boukou lizie devan ek deryer.

Revelasion 4:9

Sak fwa ki bann kreatir vivan la selebre laglwar ek loner e remersi Sa-Enn ki asiz lor tronn e ki viv pou touletan la,

Revelasion 5:6

Lerla mo trouv enn Agno pe deboute ant tronn ek kat kreatir vivan la. Li ti parmi bann ansien, koumadir finn sakrifie li. Li ti ena set korn ek set lizie, ki ti set lespri Bondie ki ti finn anvwaye partou lor later.

Revelasion 6:1

Lerla mo ti trouv Agno ouver enn sa set sele-la, e mo tann enn parmi sa kat kreatir vivan la kriye ar lavwa loraz, “Vini”.

Revelasion 6:6

Mo tann koumadir enn lavwa sorti kot sa kat kreatir vivan la; li ti dir, “Enn mezir dible pou enn denie e trwa mezir lorz pou enn denie, me delwil ek divin, pa touse.”

Revelasion 7:11

E tou bann anz ki ti rasanble otour tronn, otour bann ansien ek sa kat kreatir vivan la, zot tom azenou devan tronn, zot figir kont later, e zot ador Bondie.

Revelasion 7:15

Akoz samem zot devan tronn Bondie e zot pe ador li lanwit-lizour dan so Tanp. Sa-Enn ki pe asiz lor tronn-la pou protez zot.