Revelasion 4:10 - Nouvo Testaman Kreol Morisien Harmonisation NTPS KM

¹⁰ Sa vennkat ansien-la prostern devan li, zot ador li e zot zet zot kouronn devan li, zot sante:

Nouvo Testaman dan Kreol Morisien

¹⁰ Vennkat ansien la prostern devan li, zot ador li e zot zet zot kouronn devan li, zot sante

Revelasion 4:10 ပူးပေါင်းရင်းမြစ်များ

Psom 115:1

SEGNER, zis twa ki merit laglwar; zis twa, pa nou, parski twa ki lasours lamour infini ek fidelite.

Psom 47:8

Bondie regn lor tou bann nasion; li asiz lor so tronn sakre.

Psom 72:11

Tou bann lerwa pou prostern divan li, tou bann tribi pou servi li.

Psom 95:6

Vini! Anou ador li, anou prostern devan li, anou azenou divan LESEGNER, nou kreater!

Mt 2:11

Ler zot rant dan lakaz-la, zot trouv Zezi ek so mama Marie. Zot tom azenou pou ador li; zot ouver zot kof bizou e zot ofer li lor, lansan ek lamir;

Lk 24:52

Zot ador li e zot retourn Zerizalem avek gran lazwa dan leker.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

Revelasion 10:6

e li fer enn serman lor nom Bondie vivan pou touzour, ki finn kree lesiel ek tou seki ladan, later ek tou seki ladan, ek lamer ek tou seki ladan: “Pa pou ena okenn retar ankor.

Revelasion 11:16

Lerla sa vennkat ansien ki ti lor zot tronn devan Bondie la, tom ater devan li, figir kont later e zot ador li.

Revelasion 15:4

Segner, kisann-la pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Revelasion 15:7

Enn parmi sa kat kreatir vivan la donn sa set anz-la set koup an-or plin ar lakoler Bondie, ki viv pou touzour.

Revelasion 19:4

Sa vennkat ansien ek kat kreatir vivan la tom azenou pou ador Bondie ki pe asiz lor tronn. Zot dir; “Amen Alelouya!”

Revelasion 4:2

Lespri ti sezi mwa anplas, e mo trouv enn tronn dan lesiel avek enn kikenn asize lor la.

Revelasion 4:4

Otour tronn-la ena vennkat tronn avek vennkat ansien ki asize lor la. Zot ti finn abiye an blan e zot ti ena enn kouronn an-or lor zot latet.

Revelasion 4:9

Sak fwa ki bann kreatir vivan la selebre laglwar ek loner e remersi Sa-Enn ki asiz lor tronn e ki viv pou touletan la,

Revelasion 5:14

Sa kat kreatir vivan la ti dir, “Amen!” Lerla bann ansien tom azenou pou adore.

Revelasion 5:8

Ler li fini resevwar roulo-la, sa kat kreatir vivan la ek sa vennkat ansien-la prostern devan Agno-la; sakenn ti ena enn laarp ek enn bann koup dore ranpli ar parfin ki ti reprezant lapriyer bann krwayan.

Revelasion 7:11

E tou bann anz ki ti rasanble otour tronn, otour bann ansien ek sa kat kreatir vivan la, zot tom azenou devan tronn, zot figir kont later, e zot ador Bondie.