Revelasion 3:8 - Nouvo Testaman Kreol Morisien Harmonisation NTPS KM

⁸ Mo konn to travay. Ala mo finn ouver enn laport pou twa ki personn pa kapav ferme. Mo kone ki to ena enn tigit lafors, pourtan, to finn res fidel ar mo parol e to pa finn renie mwa.

Nouvo Testaman dan Kreol Morisien

⁸ Mo konn to travay. Ala mo finn ouver enn laport pou twa ki personn pa kapav ferme. Mo kone ki to ena enn tigit lafors, pourtan to finn res fidel ar mo parol e to pa finn renie mwa.

Revelasion 3:8 ပူးပေါင်းရင်းမြစ်များ

Proverb 30:9

Si mo vinn tro ris, mo kapav bliye twaSEGNER. E si mo vinn tro pov, mo kapav vinn enn voler e dezonor twa, mo Bondie.

Lk 12:9

Me seki renie mwa devan dimounn, Garson Limanite pou renie li devan anz Bondie.

Zn 15:20

Rapel parol ki mo finn dir zot, ‘Enn serviter pa pli gran ki so met.’ Si bann-la finn persekit mwa, bann-la pou persekit zot osi. Si bann-la swiv mo parol, bann-la pou swiv zot parol osi.

Zn 17:6

Mo finn fer tou dimounn ki to finn donn mwa lor later, konn to nom; zot ti pou twa, to finn donn mwa zot tou e zot finn gard to Parol.

Zistwar Bann Zapot 14:27

Kan zot finn ariv la, zot ti reinir bann dimounn Legliz e zot ti rakont tou seki Bondie ti fer atraver zot e kouma li finn ouver laport ar bann non krwayan.

1 Ko 16:9

Laport finn ouver an gran pou fer enn travay isi, mem si ena bann adverser.

2 Ko 2:12

Letan mo ti vinn Troas pou anons Bonn Nouvel Lekris mo ti dekouver ki Lesegner ti ouver enn laport pou mwa

Let pou Filipien 4:13

Mo kapav fer fas avek tou sa bann sitiasion-la parski Lekris li fortifie mwa.

Let pou Kolosien 4:3

Kan zot priye, priye ousi pou nou: ki Bondie ouver enn laport pou ki nou gagn lokazion anons mister Lekris; se pou sa ki mo dan prizon:

1 Tim 5:8

Si kikenn pa pran swin so fami, li finn fini renie so lafwa, e sa li pir ki enn dimounn ki pa krwar.

2 Tim 4:7

Mo finn konbat bon konba. Mo finn galoup mo lekours, mo finn gard mo lafwa.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Revelasion 2:13

Mo kone kot to reste; la akot tronn Satan ete. Me to finn tini ferm ar mwa e to pa finn renie to lafwa, mem dan letan Antipas mo temwin fidel ki ti trouv lamor kot zot, la akot Satan reste.

Revelasion 2:2

Mo konn tou seki to finn fer, mo konn to lapenn, to pasians ek landirans. Mo kone ki to pa siport bann move dimounn. To finn teste bann ki deklar zot zapot e to finn dekouver ki zot bann manter.

Revelasion 22:7

Ala, mo pe vini biento. Bienere dimounn ki gard parol profet ki trouv dan sa liv-la.”

Revelasion 3:1

Let ki finn ekrir pou anz dan Legliz Sard: “Sa-enn ki ena set lespri Bondie ek set zetwal la deklare: Mo konn to travay, mo kone ki to ena repitasion enn bon vivan, ler gete to enn mor.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.

Revelasion 3:15

Mo konn to travay. Mo kone ki to pa ni fre ni so. Swazire: swa fre, swa so.

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: