Revelasion 3:18 - Nouvo Testaman Kreol Morisien Harmonisation NTPS KM

¹⁸ Alor mo konsey twa aste lor ar mwa, lor ki finn rafine dan dife, pou ki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.

Nouvo Testaman dan Kreol Morisien

¹⁸ Alor mo konsey twa aste lor ar mwa, lor ki finn rafine dan dife, pouki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.

Revelasion 3:18 ပူးပေါင်းရင်းမြစ်များ

Psom 107:11

parski zot ti revolte kont Parol Bondie e zot ti rezet lansegnman Bondie Pli Lao.

Psom 16:7

Mo loue LESEGNER parski li konsey mwa; mem aswar mo leker averti mwa.

Psom 32:8

Mo pou ansegn twa e montre twa ki sime bizin pran; Mo pou gid twa e konsey twa.

Psom 73:24

To pou gid mwa ar bon konsey e alafin to pou akeyir mwa ar boukou loner.

Proverb 1:25

zot pa finn aksepte mo bann konsey; e zot finn rezet mo bann repros.

Proverb 1:30

Zot finn rezet mo konsey; e zot finn ignor mo bann repros.

Proverb 19:20

Si to ekout bann konsey, si to dispoze pou aprann to leson, dousma-dousma to pou vinn saz.

Proverb 23:23

Touletan rod laverite, zame pa rezet li; kiltiv lasazes, linstriksion ek disernman.

Mt 13:44

“Rwayom lesiel, parey kouma enn trezor ki finn kasiet dan enn karo. Ler kikenn dekouver li, li re-kasiet li; li telman kontan ki li vann tou seki li ena e li al aste sa karo-la.”

Mt 25:9

Bann saz-la reponn: ‘Non, li pa posib, parski pa pou ena ase pou nou ek pou zot. Pli fasil zot al laboutik e aste inpe delwil pou zotmem.’

Lk 12:21

Ala seki pou ariv dimounn ki ramas dibien zis pou li, me ki pa ramas rises kot Bondie.”

2 Ko 5:3

Koumsa nou pou retrouv nou abiye, e nou pa pou touni.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

1 Tim 6:18

Rekomann zot fer lebien. Zot bizin ris ar bon aksion, fer bann don ek partaze.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

1 Pi 1:7

Zot lafwa, li pli presie ki lor. Li pou pas dan leprev kouma lor ki fonn kan li pas dan dife pou prouv so vre valer. Lerla zot pou kapav dekouver lalouanz, laglwar ek loner kan Zezi Kris pou revel li.

Revelasion 16:15

Rapel seki Kris ti dir, “Ala, mo pe vini parey enn voler! Ere sa dimounn ki res eveye, so linz pare pou li mete, pou ki li pa mars touni, e gagn onte.”

Revelasion 19:8

Pou so linz maryaz, zot finn donn li enn tisi fin an-lin pir, ki briye.” (Ofet tisi lin reprezant bann bon aksion pep Bondie ki sin.)

Revelasion 2:9

Mo konn to leprev ek to lamizer, me an realite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Revelasion 3:17

To dir, ‘Mo ris, mo pe prospere, mo pa bizin nanye.’ An verite to pa kone ki to dan lamizer, malere, pov, aveg ek touni.

Revelasion 4:4

Otour tronn-la ena vennkat tronn avek vennkat ansien ki asize lor la. Zot ti finn abiye an blan e zot ti ena enn kouronn an-or lor zot latet.

Revelasion 7:13

Apre sa, enn parmi bann ansien adres mwa laparol, li dir, “Ki sann-la sa bann dimounn ki finn abiy an blan la, e kot zot sorti?”