Revelasion 3:12 - Nouvo Testaman Kreol Morisien Harmonisation NTPS KM

¹² Dimounn ki gagn laviktwar, mo pou fer li vinn enn kolonn dan Tanp mo Bondie e zame li pa pou kapav kit Tanp-la. Mo pou ekrir lor li nom mo Bondie, nom lavil Bondie, nouvo Zerizalem ki desann depi kot Bondie dan lesiel ek mo nouvo nom.

Nouvo Testaman dan Kreol Morisien

¹² Dimoun ki gagn laviktwar, mo pou fer li vinn enn kolonn dan tanp mo Bondie e zame li pa pou kapav kit tanp la. Mo pou ekrir lor li nom mo Bondie, nom lavil Bondie, nouvo Zerizalem ki desann depi kot Bondie dan lesiel ek mo nouvo nom.

Revelasion 3:12 ပူးပေါင်းရင်းမြစ်များ

Psom 46:4

Ena enn larivier ki amenn lazwa dan lavil Bondie, dan lakaz ki pli sin, lakaz Bondie Pli Lao.

Psom 48:8

Nou finn deza tande aster nou finn trouve ar nou de lizie, dan lavil LESEGNER Toupwisan, dan lavil nou Bondie, ki li finn etabli pou touzour.

Psom 87:3

Bann parol ranpli ar laglwar pe koze lor twa, lavil Bondie.

Mk 12:16

Zot donn li pies-la; apre li dimann zot, “Ki figir ena lor la e ki finn ekrir?” Zot reponn li, “Sezar.”

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.

Ef 3:15

limem Papa tou group dan lesiel ek lor later.

Eb 12:22

Me zot, zot finn apros montagn Sion, lavil Bondie vivan, zot finn apros Zerizalem ki dan lesiel, kot enn lafoul anz pe fete.

Eb 13:14

Nou pena enn lavil permanan isi lor later; me nou pe atann sa lavil ki pe vini la.

1 Zn 4:4

Mo bann zanfan, zot sorti kot Bondie, e zot finn vink bann fos profet; parski Sa-Enn ki dan zot, li pli for ki lespri ki dan lemond.

Revelasion 14:1

Apre sa mo gete e mo trouv Agno pe dibout lor montagn Sion. Avek li ti ena san karann-kat mil dimounn, e lor zot fron ti finn ekrir so nom ek nom so Papa.

Revelasion 17:14

Zot pou konbat kont Agno me Agno pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 2:11

Si zot ena zorey ekout seki Lespri ena pou dir bann Legliz. Seki ranport laviktwar lor diab pa pou konn deziem lamor.”

Revelasion 2:17

Si zot ena zorey, ekout seki Lespri ena pou dir bann Legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom-la, exsepte sa dimounn ki resevwar li la.”

Revelasion 2:7

Seki ena zorey, ekout bien seki Lespri ena pou dir bann Legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Revelasion 21:2

E mo ti trouv lavil sin, nouvo Zerizalem, sorti kot Bondie e desann depi lesiel. Li ti bien abiye parey kouma nouvel-marye pe atann so bieneme.

Revelasion 22:4

Zot pou trouv so vizaz e so nom pou ekrir lor zot fron.

Revelasion 3:5

Tou bann ki pou gagn laviktwar pou met linz blan; mo pa pou efas zot nom dan liv lavi. Mo pou rekonet zot devan mo papa ek so bann anz.