Revelasion 22:7 - Nouvo Testaman Kreol Morisien Harmonisation NTPS KM

⁷ Ala, mo pe vini biento. Bienere dimounn ki gard parol profet ki trouv dan sa liv-la.”

Nouvo Testaman dan Kreol Morisien

⁷ Ala, mo pe vini biento. Bienere dimoun ki gard parol profet ki trouv dan sa liv la.”

Revelasion 22:7 ပူးပေါင်းရင်းမြစ်များ

Revelasion 1:11

Li ti pe dir, “Ekrir dan enn liv seki to pe trouve e avoy liv-la kot sa set Legliz dan Efez, Smirn, Pergam, Tiatir, Sard, Filadelfi ek Laodise.”

Revelasion 1:3

Bienere dimounn ki lir, e bienere bann ki tann parol profesi, e ki gard seki finn ekrir isi; parski letan ki finn fixe pou sa bann kitsoz-la pre pou arive.

Revelasion 16:15

Rapel seki Kris ti dir, “Ala, mo pe vini parey enn voler! Ere sa dimounn ki res eveye, so linz pare pou li mete, pou ki li pa mars touni, e gagn onte.”

Revelasion 2:16

Alor sanz to lavi sinon mo pou desann kot twa pou konbat zot avek lepe mo labous.

Revelasion 22:12

Ala mo pe vini biento. Mo pe amenn mo rekonpans ki mo pou donn zot tou pou seki zot finn fer.

Revelasion 22:18

Mo pe averti zot tou ki tann parol profetik sa liv-la: si kikenn azout kitsoz dan sa liv-la, Bondie pou azout dan so lavi mem kantite fleo ki ena dan sa liv-la.

Revelasion 22:19

E si kikenn retir kitsoz dan sa bann parol profetik la, Bondie pou retir so bout dan pie lavi e dan lavil sint ki finn dekrir dan sa liv-la.

Revelasion 22:20

Dimounn ki garanti ki tousala vre, dir, “Wi, mo pe vini biento!” Amen. Vini, Segner Zezi!

Revelasion 22:21

Lagras Segner Zezi res avek zot tou.

Revelasion 3:11

Mo pe vini biento. Tini ferm avek seki to ena pou ki to pa perdi to kouronn.

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.