Revelasion 22:5 - Nouvo Testaman Kreol Morisien Harmonisation NTPS KM

⁵ Nepli pou ena lanwit; personn pa pou bizin lalimier flanbo ou lalimier soley; Lesegner Bondie, limem pou zot lalimier, e zot pou regne pou touzour.

Nouvo Testaman dan Kreol Morisien

⁵ Nepli pou ena lanwit; personn pa pou bizin lalimier flanbo ou lalimier soley; Segner Bondie, limem pou zot lalimier, e zot pou regne pou touzour.

Revelasion 22:5 ပူးပေါင်းရင်းမြစ်များ

Psom 36:9

Tomem lasours lavi e to lalimier ekler nou lavi.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Mt 19:28

Zezi dir zot, “Laverite mo dir zot, dan sa nouvo lemond-la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Mt 25:46

E sa bann-la pou pini pou touletan, me bann zis, zot pou gagn lavi eternel.”

Let pou Romin 5:17

Lamor finn manifeste so pouvwar par fot enn sel dimounn; mazine aster komie plis bann ki resevwar lagras Bondie dan labondans, ansam ar don lazistis, komie plis zot pou regne dan lavi akoz enn sel dimounn: Zezi Kris.

2 Tim 2:12

Si nou res ferm avek li, nou pou regn avek li. Si arive nou renie li, li osi li pou renie nou.

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Aster-la rwayom lemond finn rant anba pouvwar Bondie nou Segner ek so Mesi. Li pou regne pou touzour.”

Revelasion 18:23

Lalimier lalanp pou nepli briye kot twa ankor, e pou nepli tann lavwa nouvo ek nouvel marye sorti kot twa. Parski to bann marsan ti pli pwisan lor later, e par to bann sorselri to ti anbet tou bann nasion.

Revelasion 20:4

Lerla mo trouv bann tronn, e bann ki ti pe asiz lor sa bann tronn-la ti ena lotorite pou zize. Mo ti trouv osi nam bann dimounn ki zot latet ti koupe akoz zot temwaniaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 20:6

Bann ki ti partaz sa premie rezireksion-la, zot ti vremem ere ek sin. Deziem lamor pena okenn pouvwar lor zot. Zot pou vinn pret pou Bondie ek Kris, e zot pou regn avek li pandan mil an.

Revelasion 21:11

Laglwar Bondie ekler lavil-la e li briye parey kouma enn pier presie transparan ki resanble diaman.

Revelasion 3:21

Dimounn ki gagn laviktwar, mo pou permet li asiz lor mo tronn parey kouma mwa osi, apre ki mo ti gagn laviktwar, mo ti asiz avek mo papa lor so tronn.